ԵՐԵՎԱՆ, 10 մարտի — Sputnik. Ռեստորանում լսած երգը pol-dance-ի աշխարհի չեմպիոն Վարդային (Վարդանուշ Մարտիրոսյան) ստիպել է ցուցադրել վոկալային տվյալները։ Նա երգել է «Բրեմենյան երաժիշտներ» մուլտֆիլմից հայտնի «Солнце взойдёт» երգը, տեսանկարել ու տեսանյութը հրապարակել Instagram-ում։
«Կներեք, չդիմացա, նստած էի ռեստորանում և լսեցի այս երգը։ Այնքան մեծ էր երգելու ցանկությունը, որ չզսպեցի ինձ ու երգեցի հենց ռեստորանում, կամաց, բայց երգեցի»,- գրել է նա։
Պարուհին պատմել է, որ հետո եկել է տուն, գտել երգի երաժշտությունը և որոշել է նաև տանը երգել։
«Երգում եմ առաջին անգամ, տոնայնությունն ինձ համար բարձր է, և ընդհանարապես ես 4 տարի վոկալով չեմ զբաղվել, բայց սրտանց երգելու համար դրանք կարևոր չեն»,- գրել է նա։
Վարդան խորհուրդ է տվել` եթե ուզում եք երգել, երգեք, ուզում եք պարել, պարեք։
«Մյուսները թող դիմանան, ինչպես իմ կատուն։ Ում դուր չի գալիս իմ երգելը, կարող է անձայն հիանալ իմ Տիտոյով»,- նշել է նա։
Վարդան ծնվել է 1985թ.-ի մարտի 3-ին բազմանդամ ընտանիքում։ Նա 2 բարձրագույն կրթություն ունի` մասսայական միջոցառումների ռեժիսորի ու ֆիզկուլտուրայի ուսուցչի և մարզչի։ Կարիերայի ընթացքում Վարդան կարողացել է շատ տիտղոսներ և մրցանակներ շահել` ելույթ ունենալով «Սև հրեշտակ» բեմական անունով։
