ԵՐԵՎԱՆ, 24 մարտի — Sputnik. Հանրահայտ հեռուստահաղորդավար Թինա Կանդելակին Instagram-ի իր էջում ակնարկել է երրորդ հղիության մասին։
Նա քրտնաջան պարապում է մարզասրահում անթեի կառուցվածք ունենալու համար, դրա վկայությունն են սոցցանցերում հրապարակված լուսանկարները։ Բայց օգտատերերը պարբերաբար քննադատում են Կանդելակիին։ Ոմանք խորհուրդ են տալիս, որ նա նիհարի, մյուսներն էլ հակառակը` պնդում են, որ նա պետք է գոնե մի քանի կիլոգրամ քաշ հավաքի։
Ուսանողների հետ հանդիպումից հետո հրապարակված հերթական լուսանկարի տակ Կանդելակիի էջի բաժանորդներից մեկը գրել է, որ նա երբեք գեղեցիկ գոտկատեղ չի ունենա։ Հաղորդավարուհին էլ բոլորովին չի վիրավորվել այս դիտողությունից։
«Գոտկատեղի հարցում բարդ է։ Ավելի բարդ կլինի 9 ամիս անց»,- պատասխանել է նա։
Հիմա բաժանորդները գուշակում են` այդ գրառումը պարզապես կատակ էր, թե 42 տարեկան Կանդելակին հղի է։
Թինան արդեն չորս տարի է` ամուսնացած է գործարար Վասիլի Բորովկոյի հետ։ Անդրեյ Կոնդրախինի հետ ամուսնությունից նա ունի մեկ դուստր և մեկ որդի։
