ԵՐԵՎԱՆ, 26 մարտի — Sputnik. Հայաստանի հավաքականի ավագ, Լոնդոնի «Արսենալի» կիսապաշտպան Հենրիխ Մխիթարյանն Instagram–ի իր էջում ուրախ տեսանյութ է տեղադրել։
Տեսանյութում Հայաստանի հավաքականի ֆուտբոլիստները շարք են կանգնել, ամենայն հավանականությամբ մարզումներին նախապատրաստվելիս, և սպասում են մարզիչի հրահանգներին։
«Երբեմն լավագույն պահերը հետնաբեմում են տեղի ունենում», – տեսանյութի տակ գրել է մարզիկը։
Հավանաբար, ֆուտբոլիստը ակնարկում էր շաբաթ օրը կայացած բավական ձանձրալի Հայաստան–Էստոնիա ընկերական խաղի մասին։ Հիշեցնենք, որ խաղի ընթացքում ոչ մի թիմ չի կարողացել գոլ խփել, բացի այդ քիչ էին նաև երկրպագուներին լարման մեջ պահող սուր պահերը։
Մխիթարյանի կատակը շատ է դուր եկել թիմին։ Տեսանյութը հետաքրքրություն է առաջացրել նաև կիսապաշտպանի երկրպագուների մոտ։ Այն արդեն դիտել են ավելի քան 236 հազար անգամ։
Ֆուտբոլիստի բաժանորդների թողած բազմաթիվ մեկնաբանությունների մեջ երկրպագուները նշում էին Մխիթարյանի հումորի զգացումը։ Մյուս մեկնաբանությունները ոչ միանշանակ բնույթ էին կրում։
«Հենց այդպես ես կնետվեմ քեզ վրա, երբ կհանդիպեմ Լոնդոնում», – գրել էր rocioesteve7 մականունով օգտատերը։
Մեկնաբանություն էին թողել նաև հայ կիսապաշտպանի արարքի անլրջությունից դժգոհ հետևորդները։ Նրանք կոչ են արել թիմին մարզումներին ավելի լուրջ վերաբերվել և ոչ թե ծիծաղել Մխիթարյանի կատակի վրա։
