01:19 22 ապրիլի 2018
Ուղիղ եթեր
Համեմունքներ

Երևանում հորդորում են հետևել Բաքվի օրինակին ու արգելել թուրքական ապրանքի ներկրումը

CC BY 2.0 / Esther Lee / Spice Market, Istanbul
Հասարակություն
Ստանալ կարճ հղումը
20810

Ադրբեջանում արգելել են Թուրքիայից ապրանք ներմուծել, Երևանում կոչ են անում հետևել Բաքվի օրինակին։

ԵՐԵՎԱՆ, 3 ապրիլի — Sputnik. Ադրբեջանի սննդի անվտանգության գործակալությունը Թուրքիայից ներկրվող 130 տեսակի ապրանք օգտագործման համար ոչ պիտանի է ճանաչել ։ Երևանում փորձագետները հորդորում են հետել Բաքվի օրինակին։

Այս մասին լրագրողների հետ զրույցում ասաց ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար, Պարենային իրավունքի փորձագետ Դավիթ Պիպոյանը։

«Ադրբեջանական ԶԼՄ-ները տարածել են Ադրբեջանի սննդի անվտանգության գործակալության հետազոտությունը, որի արդյունքում 130 տեսակի թուրքական ապրանք օգտագործման համար անպիտան են ճանաչվել», — ասաց Պիպոյանը։

Պիպոյանը սա մեծ թիվ է համարում։ Այդ կատեգորիայի մեջ են բուսական յուղերը, թեյերը, շոկոլադը, ոչ ալկոհոլային ըմպելիքները, սննդային հավելումները։

«Դա կարող է մեզ համար կոչ լինել ավելի ուշադիր լինել ներկրվող ապրանքների նկատմամբ, մասնավորապես` Թուրքիայից», — ասաց Պիպոյանը։

Նա նշեց, որ թուրքական ապրանքները հաճախ չեն հասնում եվրոպական երկրներ, քանի որ արդեն ԵՄ-ի սահմանին անպիտան են համարվում։ Ցավոք, թուրքական ապրանքներն առանց վախենալու ներկրում են Հայաստան։

«Օրինակ` մեզ մոտ հաճախ տեսնում եմ թուրքական կիտրոններ, չրեր ու հրուշակային հավելումներ, որոնք մի շարք երկրներ անպիտան են ճանաչել», — ամփոփեց Պիպոյանը։

Հիշեցնենք` հայ գյուղացիները բազմաթիվ անգամ բողոքել են, որ հայկական շուկան լցված է թուրքական ապրանքներով, և դրա պատճառով չեն կարողանում մթերել սեփական ապրանքը, որը թուրքականի համեմատ ավելի թանկ է։

Գլխավոր թեմաներ