17:05 23 հոկտեմբերի 2018
Ուղիղ եթեր
  • USD484.35
  • GBP629.32
  • EUR556.13
  • RUB7.42
Պայթյուն «Բուրգեր Քինգում»

«Բուրգեր Քինգը» պայթյունից տուժածներին նյութական օգնություն կտա

© Sputnik / Aram Nersesyan
Հասարակություն
Ստանալ կարճ հղումը
Պայթյուն Հյուսիսային պողոտայում (19)
85 0 0

«Բուրգեր Քինգ» արագ սննդի կետի աշխատակիցներն արդեն աշխատում են երեկվա պայթյունից տուժածներին ֆինանսական փոխհատուցում հատկացնելու ուղղությամբ։

ԵՐԵՎԱՆ, 3 ապրիլի — Sputnik. Հայաստանում «Բուրգեր Քինգ» ցանցի սեփականատերը նյութական աջակցություն կցուցաբերի Երևանում պայթյունի հետևանքով տուժածներին։ Այս մասին Sptunik Արմենիայի հետ զրույցում ասաց ընկերության հասարակության հետ կապերի մասնագետ Ինգա Հարությունյանը։

Հիշեցնենք, որ ապրիլի 2-ին, ժամը 20:44-ին Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում տեղի ունեցած պայթյունից տուժել են 8 հոգի՝ Ռուդոլֆ Մարկոսյանը (6 տարեկան), Ռուբինա Մարկոսյանը (8 տարեկան), Զարուհի Մելիքյանը (19 տարեկան), Էրիկ Աշուղյանը (24 տարեկան, ԻԻՀ քաղաքացի), Ալյոնա Ագապովան (15 տարեկան, ՌԴ քաղաքացի), Լիզա Աբրահամովան (15 տարեկան, ՌԴ քաղաքացի), Յարոսլավ Լյուբենկոն (15 տարեկան, ՌԴ քաղաքացի), Զեյնա Հուսեինին (24 տարեկան, ԻԻՀ քաղաքացի)։

Ինգա Հարությունյանի խոսքով` տուժածների բուժման հետ կապված բոլոր ծախսերն ընկերությունն իր վրա է վերցրել։

«Ամենակարևորը, որ տուժածները հնարավորինս շուտ ապաքինվեն։ Տվյալ պահին երկուսին դուրս են գրել (Իրանի քաղաքացիներին — խմբ.), երրորդին առաջիկայում դուրս կգրեն։ Նա «Բուրգեր Քինգի» աշխատակից է» — ասաց Հարությունյանը` նշելով, որ նրա առողջական վիճակը բավարար է։

Ըստ նրա` «Բուրգեր Քինգի» մասնագետներն աշխատում են «Սուրբ Գրիգոր Լուսավորիչ» ԲԿ-ում, որպեսզի լուծեն տուժածների ֆինանսական հարցերը։

Հյուսիսային պողոտայում տեղի ունեցած պայթյունից հետո հասարակությունն ուշադիր հետում է տուժածների վիճակին։ Հայտնի է, որ սննդի կետի խոհանոցում պայթել է գարեջրի ճնշումն ապահովող թթվածնի բալոնը:

ՔԿ Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 279-րդ հոդվածի 2-րդ մասի 2-րդ կետով, այն է՝ անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը, որն անզգուշությամբ վնաս է պատճառել երկու կամ ավելի անձանց առողջությանը։

թեմա:
Պայթյուն Հյուսիսային պողոտայում (19)

Գլխավոր թեմաներ