18:26 18 հուլիսի 2018
Ուղիղ եթեր
  • USD480.30
  • GBP626.02
  • EUR558.49
  • RUB7.62
Պայթյուն «Բուրգեր Քինգ» ռեստորանում

«Բուրգեր Քինգի» բախտը չբերեց, Երևանում կարող էր ցանկացած ռեստորանում պայթյուն լինել

© Sputnik / Asatur Yesayants
Հասարակություն
Ստանալ կարճ հղումը
15710

Ածխաթթվային գազով բալոններ օգտագործող հայաստանյան ոչ մի ռեստորան ապահովագրված չէ պայթյունից։

ԵՐԵՎԱՆ, 3 ապրիլի, Լաուրա Սարգսյան. Հայաստանում ածխաթթվային գազով բալլոններ օգտագործող ոչ մի ռեստորան ապահովագրված չէ պայթյուններից։ Sputnik Արմենայի հետ զրույցում այսպիսի կարծիք հայտնեց գարեջրագործ Արա Թորոսյանը։

«Դեռ նրանց բախտը մի քիչ ավելի շատ է բերում, քան «Բուրքեր Քինգ» ռեստորանինը», — ասաց Թորոսյանը։

Երեկ Երևանի կենտրոնում «Բուրգեր Քինգ» արագ սննդի կետում պայթյուն էր տեղի ունեցել։ Տուժել է ութ մարդ, այդ թվում` երեխաներ։ Ըստ նախնական տվյալների՝ ռեստորանի խոհանոցում պայթել է գարեջրի ճնշումն ապահովող ածխաթթվային բալոնը:

«Ածխաթթվային գազով բալոնը կարող է պայթել միայն այն դեպքում, եթե այն վնասված է, մաշված է, չի համապատասխանում անվտանգության որոշակի չափորոշիչներին։ Հայաստանում բալոնների վիճակը սարսափելի է, մենք մինչ այժմ խորհրդային ժամանակների հին, մաշված սարքեր ենք օգտագործում։ Դրանք նույնիսկ չեն ստուգվում», — հայտնեց գարեջրագործը։

Բալոնը, եթե այն իսկապես լիցքավորված է ածխաթթվային գազով, ինչպես պնդում են արտակարգ իրավիճակների նախարարությունում, կարող էր վնասվածքների առկայության դեպքում իսկապես պայթել ճնշման տատանումից։

«Հայաստանում ոչ մի ռեստորան, որն օգտագործում է ածխաթթվային գազով բալոն, ապահովագրված չէ նման միջադեպից։ Առայժմ բոլորի բախտը բերում է, բայց «Բուրգեր Քինգինը» չբերեց», — նշեց Թորոսյանը։

Նա ընդգծեց, որ բալոնների վիճակին պետք է հետևեն ոչ թե ռեստորանները, այլ ընկերությունները, որոնք զբաղվում են դրանց իրացմամբ։ Հենց նրանք պետք է սարքավորման կանոնավոր ստուգումներ անցկացնեն։

Բալոնում հեղուկ նյութը պահվում է 60-70 մթնոլորտ ճնշման տակ։ Պատահական պայթյունի հնարավորությունը բացառելու համար յուրաքանչյուր բալոն պետք է պարբերաբար ստուգում անցնի` ամրությունը պարզելու համար։

«Չէ՞ որ դուք ամեն ամիս ձեր տան բալոնը չեք տանում ստուգելու։ Ճիշտ այդպես էլ ռեստորանի տերը չպետք է տանի։ Վաճառողը պետք է ապահովի անվտանգությունը, գա և ստուգի սարքավորումը», — ասաց Թորոսյանը։

Մեկ այլ հայ գարեջրագործ, որը չցանկացավ հայտնել անունը, նույնպես հոռետեսական գնահատական տվեց Հայաստանում շահագործվող գազի բալոնների որակին։

Նա կարծում է, որ իշխանությունները պետք է լրջորեն զբաղվեն այդ հարցով, որպեսզի ռեստորանատերերը կարողանան հանգիստ զբաղվել իրենց գործով և չանհանգստանան հաստատության աշխատակիցների ու հաճախորդների առողջության և անվտանգության համար։

«Յուրաքանչյուրը պետք է զբաղվի իր գործով։ Մեր իրավասության մեջ չի մտնում հետևելը, թե ինչ որակի և հնության բալոն են մեզ վաճառել», — հայտարարեց նա։

Հիշեցնենք, որ «Բուրգեր Քինգում» տեղի ունեցած պայթյունի հետևանքով վեց տուժածները շարունակում են մնալ «Գրիգոր Լուսավորիչ» բժշկական կենտրոնում` բժիշկների հսկողության տակ։

Ըստ թեմայի

«Բուրգեր Քինգը» պայթյունից տուժածներին նյութական օգնություն կտա
Լևոն Ալթունյանն այցելել է պայթյունից տուժածներին
Պայթյունի փաստով հարուցվել է քրեական գործ, պայթել է 20 կգ-անոց բալոնը

Գլխավոր թեմաներ