ԵՐԵՎԱՆ, 11 ապրիլի — Sputnik. Այս օրերին հայտնի հաղորդավարուհի, դերասանուհի Նազենի Հովհաննիսյանն իր հանգիստն է անցկացնում Կարմիր ծովի ափին։ Եգիպտական Շարմ էլ Շեյխ հանգստավայրից նա պարբերաբար գայթակղեցնող ու գեղեցիկ լուսանկարներ ու տեսանյութեր է հրապարակում` ուրախացնելով Instagram-ի իր բազմաթիվ հետևորդներին։
Վերջին տեսանյութում Նազենին գեղեցիկ, երկար ծովափնյա զգեստով, ոտաբոբիկ քայլում է ափամերձ տարածքի մանր ավազի վրայով։ Նա երազկոտ է թվում։ Դա զգացվում է նաև տեսանյութի մակագրությունից. «Ամենալավ երաժշտությունը բնության ձայնն է» (The best music is the sound of Nature!): Հանկարծ հանդիպում է մի սպիտակ, հրաշալի թռչունի ու փորձում նրա պես ձեռքերը պարզած սավառնել։
Նազենի Հովհանիսյանի բաժանորդները հիացական մեկնաբանություններ են գրել, ոմանք համաձայնել են տեսանյութի նկարագրության հետ, մյուսները ներդաշնակություն գտել ծովի ու աղջկա միջև։ Եղել են նաև քննադատողներ։
Նազենի Հովհաննիսյան հայ դերասանուհի, հաղորդավարուհի է, Երևանի թատրոնի և կինոյի պետական ինստիտուտիդասախոս։
2001-2012 թվականներին նա աշխատել է ՀայաստանիՀանրային հեռուստաընկերությունում (Հ1), որտեղ հեղինակել, վարել է բազմաթիվ հաղորդումներ, կրկնօրինակել է մի շարք ֆիլմեր։ 2010թվականին վարել է «Եվրատեսիլ»միջազգային երաժշտական մրցույթը։
2010թվականից աշխատում է Երևանի Կամերային թատրոնումորպես դերասանուհի, 2011թվականից` Երևանի թատրոնի և կինոյի պետական ինստիտուտում որպես բեմական և հեռուստատեսային խոսքի դասախոս։ 2012թվականից աշխատում է Արմենիա հեռուստաընկերությունում (Արմենիա TV) որպես հաղորդավարուհի։
