21:10 13 նոյեմբերի 2018
Ուղիղ եթեր
  • USD488.68
  • GBP629.86
  • EUR549.03
  • RUB7.21
Փրկարարներ. արխիվային լուսանկար

Ինչ է պետք անել հրդեհի պահին. Երևանի խոշոր օբյեկտներում վարժանքներ կանցկացնեն փրկարարները

© Sputnik / Asatur Yesayants
Հասարակություն
Ստանալ կարճ հղումը
53 0 0

Կեմերովոյի «Զիմնյայա վիշնյա» առևտրի կենտրոնի ողբերգական հրդեհից հետո Հայաստանի ԱԻՆ–ն օրակարգային է համարում խոշոր ժամանցի կենտրոններում բնակչության անվտանգության հարցը. Փրկարարները երեկոյան և գիշերային վարժանքներ կանցկացնեն Երևանի խոշոր օբյեկտներում։

ԵՐԵՎԱՆ, 13 ապրիլի — Sputnik. Երևանի փրկարարական վարչության փոխանցմամբ՝ ապրիլի 16-ից խոշոր օբյեկտներում` «Դալմա գարդեն մոլ», «Պրոսպեկտ», «Հայ-բելառուսական առևտրի տուն», «Մետրոնոմ», «Ռոսիա», «Տաշիր», «Պալաս» առևտրի կենտրոններ, Երևան տոնավաճառ, «Վեգա» հիպերմարկետ, «Հագուստի աշխարհ» խանութների ցանց, «Երևան Սիթի» սուպերմարկետների ցանց, «Տաշիր» պիցցերիաների ցանց, «Լաթար» հյուրանոցային և «Կովկաս» ռեստորանային համալիրներում, երեկոյան ժամերին կանցկացվեն «Հրդեհների դեպքում կազմակերպության աշխատակիցների տարհանման կազմակերպում» թեմայով վարժանքներ՝ վարչության բոլոր ստորաբաժանումների մասնակցությամբ։

ՀՀ արտակարգ իրավիճակների նախարարության պաշտոնաթերթի կայքում նշված է, որ փրկարարներն անձնակազմին և այցելուներին կներկայացնեն խոշոր հրդեհի ժամանակ պաշտպանության վարքականոնը, տարհանման ուղիներն ու խուճապը հաղթահարելու միջոցները, փրկարար ծառայություն ահազանգելու կարգը։

Մարտի 25-ին Ռուսաստանի Կեմերովո քաղաքի «Զիմնայա վիշնյա» առևտրի կենտրոնում բռնկած հրդեհը 64 մարդու, այդ թվում՝ 41 երեխայի կյանք խլեց:

Ողբերգությունից հետո ՀՀ վարչապետի և արտակարգ իրավիճակների նախարարի հանձնարարականների համաձայն` ԱԻՆ պետական հրդեհային և տեխնիկական անվտանգության տեսչության աշխատակիցները ստուգումներ և հետազոտություններ իրականացրեցին հանրային սննդի, սպասարկման և ծառայությունների մատուցման օբյեկտներում, խոշոր առևտրային կենտրոններում, ռեստորանային համալիրներում:

Հայտնաբերված ամենատարածված խախտումը տարհանման ելքերի, հակահրդեհային և ծխահեռացման ինքնաշխատ համակարգերի բացակայությունն է: Պետական հրդեհային և տեխնիկական անվտանգության տեսչության աշխատակիցների թերությունների վերացման վերաբերյալ ավելի քան 30 կարգադրագիր են հանձնել: Կարգադրագրերով սահմանված ժամկետների ավարտին կրկնակի ստուգայցեր կկազմակերպվեն, թերությունները վերացրած չլինելու դեպքում տնտեսվարողը կենթարկվի վարչական տույժի:

Ըստ թեմայի

Ուզում էր թաքնվել, բայց բռնեցին. Կեմերովոյի հրդեհի գործով ձերբակալել են նախկին պետին
Ինչպես կարող եմ շարունակել ապրել. Կեմերովոյի հրդեհի ժամանակ որդուն և թոռանը կորցրած հայը
Կեմերովոյի հայկական համայնքի ղեկավարը պատմում է՝ ինչպես է հայ մարզիկը փրկել մարդկանց

Գլխավոր թեմաներ