ԵՐԵՎԱՆ, 10 մայիսի — Sputnik. Դուբայում վարպետության դասընթացի կազմակերպիչները խաբել են դիմահարդարման թագուհի Գոհար Ավետիսյանին, ինչի մասին նա պատմել է Instagram-ի իր հետևորդներին։
Գոհարն ասել է, որ «հիմարացրել են իրեն ու բոլոր այն մարդկանց, որոնք տոմսեր էին գնել»։
«Սկսեմ նրանից, որ սա իմ կյանքի առաջին կազմակերպիչներն են, որոնք նույնիսկ չդիմավորեցին մեզ։ Անընդհատ ասում էին, որ հանդիպելու ժամանակ չունեն, նախօրոք վարպետության դասընթացի փորձ անելու ժամանակ չունեն, ասում էին, որ չափազանց զբաղված են, միայն հասցնում են ուղևորվել արևելյան տարբեր քաղաքներ ու բարձրագույն մակարդակի վարպետության դասընթացներ կազմակերպել։ Սուտ», — գրել է շպարի վարպետը։
Գոհարը խոստովանել է` կազմակերպիչներն ասես շուկայում լինեին.պահանջում էին վարպետության դասընթացը զեղչով անցկացնել, թեև նախօրոք պայմանագիր էր ստորագրվել։
Նա պատրաստ է եղել ամեն ինչ թողնել ու Մոսկվա վերադառնալ, բայց գիտակցել է, որ պայմանագրի պայմանները խախտելը ճիշտ որոշում չէ։ Իսկ վարպետության դասընթացի օրը միջոցառումը երկու ժամով հետաձգել են։
«Ու դա նրանց համար նորմա՞լ է։ Մոսկվայում նրանք դրա համար պատասխան կտային։ Հրապարակում եմ լուսանկարը, որի վրա երևում է` ինչքան մազ եմ վրայիցս պոկել այն պատճառով, որ 8 ժամ շարունակ բեմում մնալով `ջրի մեջ կորել էի, որովհետև նրանք մոռացել էին օդափոխիչ տեղադրել։ Վարպետության դասընթացների բոլոր մասնակիցները սկսեցին բողոքել կազմակերպիչներից, քանի որ խոստացել էին լավ կոսմետիկայով արկղեր տեղադրել», — ասվելացրել է Գոհարը։
Կոսմետիկան դրել էին, բայց քիչ քանակությամբ, ընդ որում` ոչ լավ ապրանքանիշների։ Գոհարն ասում է` երբ կազմակերպիչները տեսել են, որ մարդիկ բողոքում են, պարզապես «թռել են»։
Գոհար Ավետիսյանը շպարի վարպետության դասընթացներ է անցկացնում, այդ կապակցությամբ հայ հրաշագործին պարբերաբար աշխարհի տարբեր երկրներ են հրավիրում։
