ԵՐԵՎԱՆ, 14 հունիսի — Sputnik. Վանաձոր-Ալավերդի-Վրաստան ավտոճանապարհն այսօր 15։ 00-ից փակ է։ Այս մասին հայտնում է ՀՀ արտակարգ իրավիճակների նախարարությունը` նշելով, որ ճանապարհը փակ է հենապատի փլուզման պատճառով։
Մինչ երթևեկության վերականգնումը նախարարությունն առաջարկում է այլընտրանքային շրջանցիկ ճանապարհներ։
Բեռնատար ավտոմեքենաների և երթուղային ավտոբուսների երթևեկությունը խորհուրդ է տրվում իրականացնել՝ Մ-4 (Երևան-Սևան-Իջևան)-Մ-16 (Ոսկեպար-Նոյեմբերյան)-Վրաստանի սահման ճանապարհահատվածներով կամ Մ-3 (Երևան-Սպիտակ-Վանաձոր)-Մ-8 (Վանաձոր-Դիլիջան)-Մ-4-Մ-16 ավտոճանապարհներով։
Տրանսպորտային միջոցների ներհամայնքային երթևեկությունը դեպի Ալավերդի, Վանաձոր քաղաքներ և մոտակա բնակավայրեր նախարարությունն առաջարկում է կազմակերպել Վանաձոր-Ստեփանավան-Ագարակ-Կողես-Այգեհատ-Օձուն-Ալավերդի Վրաստանի սահման և Վանաձոր-Մ-6-Դսեղ-Մարց ճանապարհահատվածներով։
