ԵՐԵՎԱՆ, 29 հունիսի — Sputnik. Երեկ սոցցանցերում տեղեկություններ էին տարածվել, որ դադարեցվում են նաև 60 կմ/ժ+10 սահմանափակմամբ արագաչափերի գործունեությունը: «Փաստ» թերթը գրում է, որ այս լուրն ուղղակի «ռումբի» ազդեցություն թողեց՝ առաջացնելով մեծամասնության զայրույթը՝ այն պատճառաբանությամբ, որ առանց այդ էլ վերջին շրջանում գնալով սանձարձակ են դառնում որոշ վարորդներ, իսկ նման որոշումն ընդհանրապես լուրջ վտանգներ կառաջացնի:
Թերթը դիմել է ոստիկանություն՝ փորձելով հասկանալ, թե որքանով է այս տեղեկությունը համապատասխանում իրականությանը: Ոստիկանության լրատվական ծառայությունից տեղեկացրել են, որ նման որոշում կայացնելու դեպքում իրենք պաշտոնապես հանդես կգան հաղորդագրությամբ: Այսինքն, նման հնարավորությունը չի՞ բացառվում, հարցրել է թերթի թղթակիցը: «Արդեն ասացինք»,-պատասխանել են լրատվականից:
Պարբերականը հիշեցնում է, որ ոստիկանությունը որոշ ժամանակ առաջ որոշում էր կայացրել դադարեցնել 60 կմ/ժ արագությունից ցածր սահմանափակումների (40, 50) դեպքում խախտումներն արձանագրող արագաչափերի գործունեությունը:
