18:03 19 սեպտեմբերի 2018
Ուղիղ եթեր
  • USD483.62
  • GBP637.31
  • EUR565.59
  • RUB7.22
Երևանի Ամիրյան փողոցը` Սերժ Սարգսյանի հրաժարականի մասին հայտարարելուց հետո

#Armenia հեշթեգը Instagram–ում կիրառվել է ավելի քան 4 միլիոն անգամ

© Sputnik / Asatur Yesayants
Հասարակություն
Ստանալ կարճ հղումը
79 0 0

Եթե տարիներ առաջ հայերը գրավել էին «Одноклассники» ու Facebook սոցիալական կայքերը, ապա վերջերս նրանք շատ ակտիվ են Instagram–ում։

ԵՐԵՎԱՆ, 12 հուլիսի – Sputnik. Աշխարհի հայ և ոչ միայն հայ օգտատերերը ակտիվորեն «ռմբակոծում» են Instagram–ը #Armenia հեշթեգով։

Այսօրվա` հուլիսի 12–ի տվյալներով հայտնի սոցիալական կայքում Հայաստանը հիշատակվում է 4 004 858 անգամ։

Միաժամանակ #yerevan–ն էլ հետ չի մնում ու դանդաղ, բայց հաստատուն քայլերով ձգտում է  Armenia հեշթեգի «փառքին»։  Երևանն Instagram–ում հիշատակվում է  ավելի քան 1 099 661 անգամ։ Ի դեպ, այս հեշթեգն օգտագործում են ոչ միայն հայերը, այլև ամբողջ աշխարհից Հայաստան այցելած զբոսաշրջիկները։

Հատկանշական է, որ աշխարհասփյուռ հայերը սկսել էին կիրառել  Հայաստանի համար արդիական հեշթեգները էլեկտրաէներգիայի թանկացման դեմ ուղղված բողոքի ակցիաների ժամանակաշրջանից։ Այն ժամանակ Բաղրամյան պողոտայում զարգացումները լուսաբանելու համար օգտագործվում էր #ElectricYerevan հեշթեգը։

Եթե անցնենք Armenia հեշթեգով, ապա ամենատարածված հրապարակումների շարքում կարելի է տեսնել մի տեսանյութ, որում  ՀՀ վարչապետ Նիկոլ Փաշինյանը, որը աշխատանքային այցով Բելգիայում է գտնվում, շփվում է  ԱՄՆ նախագահ Դոնալդ Թրամփի հետ։

Հայաստանի կառավարության ղեկավարը հասցրել է «մի երկու բառ փոխանակել» Թրամփի ու նրա կնոջ` Մելանյայի հետ։ Հիմա այս «թռուցիկ» ծանոթության տեսանյութն ու լուսանկարները համացանցում բուռն արձագանք են առաջացրել։ Կարծես հայերն ուրախ են, որ նրանց պետության ղեկավարը երկար տարիների ընթացքում առաջին անգամ կարողացավ այսքան ընկերական շփվել Ամերիկայի առաջնորդի հետ։

Այդ տեսահոլովակը միանգամից մեծ տարածում ստացավ համացանցում։

 

Ի դեպ` մայիսի 1–ի տվյալներով #nikolpashinyan հեշթեգով ընդամենը 3572 գրառում կար, իսկ հիմա ` 15 479։

Հայկական թեմայով արդիականների թվում են նաև` Armenian` 932 393, Armenian girl ` 200 181, Armenian Wedding` 67 066 հեշթեգները։

Ամռանը Հայաստանում մեկնարկում է հարսանիքների ամենաթեժ սեզոնը, այդ պատճառով ամենևին էլ զարմանալի չէ, որ Instagram–ը լի է հայ հարսնացուների ու փեսացուների լուսանկարներով ու տեսանյութերով։

 

Ըստ թեմայի

«Armenia» և «Армения» հեշթեգերը վերջին օրերին պայթեցրել են սոցցանցերն ամբողջ աշխարհում
Վառվող աղանդեր․ հայ խոհարարի քաղցրավենիք մատուցելը «պայթեցրել» է համացանցը․ տեսանյութ
Մակրոնը զանգահարել է Պուտինին և տեսանյութը հրապարակել համացանցում
Պատգամավորների հեռախոսահամարները համացանցում հրապարակելը կարող է վատ հետևանք ունենալ
թեգերը:
Նիկոլ Փաշինյան, Հայաստան

Գլխավոր թեմաներ