ԵՐԵՎԱՆ, 13 հուլիսի — Sputnik. Երգիչ Սևակ Խանաղյանի երկրպագուներին դուր է գալիս, երբ նա հայերեն է երգում։ Արտիստը որոշել է ուրախացնել իր երկրպագուներին և հայերեն նոր երգ է ձայնագրել։
Նոր երգի մասին Սևակը հայտնել է Instagram-ի իր էջում։
Երգիչը տեսահոլովակ է հրապարակել և գրել, որ երաժշտության հեղինակը Արամ Ավագյանն է։
Բաժանորդներն իսկույն արձագանքել են գրառմանը` «քո երգերն աներևակայելի հզոր են», «հիանալի երգ է», «երկար եմ սպասել այս օրվան», «շնորհակալություն քո արվեստի համար»։
Հիշեցնենք` Սևակ Խանաղյանը Հայաստանն էր ներկայացնում «Եվրատեսիլ 2018» մրցույթում։ Հայաստանի ներկայացուցիչը մրցույթի եզրափակիչ փուլ չանցավ։ Շոուի հաղթող դարձավ իսրայելցի Նետան` Toy երգով։
