09:02 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Քայլի Ջենները` Մետրոպոլիտեն թանգարանում (7 մայիսի 2018թ.)

«Քարդաշյանների ընտանիքը». ռեալիթի շոուի միանգամից երկու աստղ հայտնվել են Forbes–ում

© AFP 2018 / ANGELA WEISS
Հասարակություն
Ստանալ կարճ հղումը
150 0 0

Քարդաշյանների հայտնի ընտանիքը ոչ միայն հիանալի մարմիններով գեղեցկուհիներ է պարգևել, այլև ուժեղ գործարար կանանց. նրանցից երկուսը հայտնվել են Forbes–ի ցուցակում։

ԵՐԵՎԱՆ, 13 հուլիսի — Sputnik.  Քարդաշյանների ընտանիքից երկու քույրերը հայտնվել են Forbes–ի` ինքնուրույն ունեցվածք դիզած ամերիկացի կանանց ցանկում։

Քայլի Ջեները, որը Քիմ Քարդաշյանի խորթ քույրն է, երկրորդ հորիզոնականն է զբաղեցրել` Kylie Cosmetics–ից ստացած գրեթե մեկ մլրդ դոլար եկամուտով։ Չնայած երկրորդ տեղին` հենց նրա դեմքն է հայտնվել Forbes–ի օգոստոսյան շապիկի վրա։ Աղջիկը միշտ ակտիվ է եղել սոցցանցերում` նա 110 մլն բաժանորդ ունի Instagram–ում, 25 մլն ընթերցող Twitter–ում և բուն Քայլի ընկերության յուրաքանչյուր հարթակում «պարզապես» 16 մլն հետևորդ։

Լինելով գեղեցկուհի` նրա համար միշտ բնական է եղել հասարակության ուշադրությունը։ Քայլիի հայրը` նախկին օլիմպիական չեմպիոն Բրյուս Ջեներն է, որին այժմ Քեյթլին են անվանում։ Նա 1976 թվականի Օլիմպիադայում ոսկե մեդալ նվաճեց. հետագայում Քրիս Ջեների` Քարդաշյան–Ջեներ ամբողջ ընտանիքի մոր հետ ամուսնալուծությունից հետո փոխեց սեռն ու դարձավ Քեյթլին։

Իհարկե, Քայլիին մեծ ճանաչում է բերել նաև «Քարդաշյանների ընտանիքը» ռեալիթի շոուին մասնակցելը։ Միևնույն ժամանակ աղջիկը զբաղվում է կոսմետիկ արտադրանքի վերավաճառքով։ Քայլիի ընկերությունում ամբողջ դրույքով աշխատող 7 աշխատակից կա և 5 արտահաստիքային աշխատող։ Մնացած ամեն ինչով զբաղվում են կողմնակի ընկերությունները` Ջեներին մնում է միայն տեղադրել արտադրանքը Instagram–ում և ավելացնել վրան իր անունը։

2015 թվականին Kylie Lip Kits թողարկման ժամանակ իր անվան շնորհիվ մոտ մեկ րոպեի ընթացքում ամբողջ արտադրանքը վաճառվել էր առցանց խանութներում։ Վերջերս նա երեխա է ունեցել, ինչն անակնկալ էր երկրպագուների համար, քանի որ Քայլին թաքցնում էր հղիությունը։

Քայլիի «խեղճ» բարեկամուհին` Քիմ Քարդաշյանը նույնպես համալրել է հաջողակ գործարար կանանց ցանկը։ Կրտսեր քրոջ օրինակին հետևելով` հեռուստաաստղը KKW Beauty կոսմետիկ միջոցների սեփական շարքն է գործարկել։ Այն 350 մլն դոլար է բերել նրան։

«Քարդաշյանների ընտանիքը» ռեալիթի շոուի գլխավոր աստղը բազմիցս սկանդալների մեջ է հայտնվել, շատերը տեղյակ են նաև այն բազմաթիվ ինտիմ տեսանյութերի մասին, որոնք «հանկարծակի» հայտնվում էին համացանցում։ Բացի այդ, Քիմը հայտնի է նաև իր մասնակցությամբ մի շարք նախագծերի շնորհիվ` խաղ–հավելված սմարթֆոնների համար, թոք–շոու, օծանելիք, գովազդ։

Միևնույն ժամանակ 37-ամյա Քարդաշյանը չի մոռանում նաև ընտանիքի մասին, նա ժամանակ առ ժամանակ տեղադրում է հոր` ազգությամբ հայ Ռոբերտ Քարդաշյանի (որը մահացել է 2003 թվականի սեպտեմբերին)  և երեք երեխաների (Նորթ, Սեյնթ և Չիկագո) լուսանկարները։

Ըստ թեմայի

«Երբեք մի՛ ասա, երբեք». Քարդաշյանը` ԱՄՆ նախագահի պաշտոնում իր թեկնածության մասին
Քիմ Քարդաշյանը հասավ ուզածին. Թրամփը ներում շնորհեց ցմահ ազատազրկված կնոջը
Քիմ Քարդաշյանը հրապարակել է հոր հետ լուսանկարը
Քիմ Քարդաշյանն ու Դոնալդ Թրամփը հանդիպել են. ի՞նչ են քննարկել նրանք փակ դռների հետևում
թեգերը:
Քիմ Քարդաշյան, Ամերիկայի Միացյալ Նահանգներ

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ գերի ընկած Հայաստանի քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    612
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    192
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    323