08:56 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Սպիտակցի Հայկո

«Մի գնա» երգը «ռմբակոծում» է տասնյակ լեզուներով ու միլիոնավոր դիտումներ է «հավաքում»

© AMAYAK VIDEO PRODUCTION
Հասարակություն
Ստանալ կարճ հղումը
247340

«Մի գնա» երգն արդեն հասել է Իսրայել, Ֆրանսիա, Հունաստան, Վրաստան, Ռուսաստան, Սաուդյան Արաբիա, Եգիպտոս, Լիբիա, ԱՄԷ։ Եվ սա դեռ ամբողջական ցանկը չէ։

ԵՐԵՎԱՆ, 14 հուլիսի — Sputnik. Երգիչ Սպիտակցի Հայկոյի և ռեփեր Սուպեր Սաքոյի «Մի գնա» հիթի հայկական տարբերակը հեղինակի youtube-յան պաշտոնական ալիքում 172 մլն դիտում է գրանցել։

Ֆրանսիացի ռեփեր Maître Gims-ի քավեր տարբերակը մի փոքր զիջում է բնօրինակին։ 5 ամսվա ընթացքում այն հասցրել են դիտել 139 մլն անգամ։ Համացանցում մի տեսանյութ է հրապարակվել, որում երևում է, թե ինչպես է ռեփերը հունիսի 21-ին Նիցայում ամենամյա Երաժշտության տոնի (Fête de la Musique) շրջանակում մի քանի հիթ կատարում իր վերջին ալբոմից, իսկ ամենավերջում երգում է «Մի գնա» երգը։

Ընդ որում, ֆրանսիացի ռեփերը երգում է հայերեն, իսկ հանդիսատեսը փորձում է ձայնակցել նրան։

Հիթի արաբական տարբերակը` երգչուհի Maya-ի կատարմամբ, ընդամենը 20 մլն անգամ են դիտել, բայց սրտառուչ մեկնաբանությունների պակաս չի գրանցել։ «Ինչ գեղեցիկ երգ է», «Հաջողություն քեզ, Մայա, հիանալի է», «Ողջույն Հորդանանից։ Լավ երգ է և հիանալի ձայն», — գրել են օգտատերերը։

Հրեա հանդիսատեսը նույնպես հավանել է հայկական հիթը։ Իսրայելցի երգչուհի Զեհավա Կոենի կատարումը դիտել են 600 հազար անգամ։ Մեկնաբանություններում էլ բազմաթիվ հաճոյախոսություններ և երախտիքի խոսքեր են գրել։ «Հիանալի ես երգում հայերեն», «Կեցցես, սիրուն ջան», «Ընտրյալիս սիրած երգն է», «nice girl and sexy song» (գեղեցիկ աղջիկ և սեքսուալ երգ), — գրել են երգչուհու էջի բաժանորդները։
«Մի գնա։ Երգում են Թուրքիայում և Ադրբեջանում» խորագրով տեսանյութի տակ, որը հրապարակել է Armenian MUSIC մականունով օգտատերը, երևում է, թե ինչպես են մեր հարևանները վայելում հայկական երգը, որը հնչում է ադրբեջանցի երաժիշտների կատարմամբ։
Նույն օգտատերը հրապարակել է «Մի գնա։ Վրաստանն էլ է թեմայի մեջ» տեսանյութը, որտեղ վրացի աղջիկը թմբուկ է նվագում և ձայնակցում հայ երգիչներին։ Առաջին տեսանյութը մոտ 200 հազար են դիտել, երկրորդը` 76 հազար։

Հիթն անտարբեր չի թողել նաև Ֆուտբոլի աշխարհի առաջնության երկրպագուներին։ Համացանցում հրապարակված տեսանյութում երևում էր` ինչպես են երկրպագուները Մոսկվայի Նիկոլսկի փողոցն իսկական պարահրապարակի վերածել ու պարել հենց այդ երգի տակ։

 

Ըստ թեմայի

«Արցախի ձայները» ձեռնոց են նետել Հայկոյին ու Սաքոյին. «Մի գնա» երգն արցախյան բարբառով
«Արսենալի» ֆուտբոլիստները «Մի գնա» են երգում. տեսանյութ
«Մի գնա» երգով վարակվեց նաև Սոսո Պավլիաշվիլին. տեսանյութ
Աշխարհը պայթեցրած հայկական «ռումբը» կամ «Մի գնա» երգի հինգ տարբերակը
«Մի գնա» հիթը գրավում է Դուբայը. լիբանանցին հայերեն է երգել
Ադրբեջանցիները երգում են «Մի գնա» երգը. այս հարևանն էլ վարակվեց
«Մի գնա» երգի չինական տարբերակը. Հարվարդի ուսանողը երգում է «բոլոր ժամանակների երգը»

Գլխավոր թեմաներ