10:48 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հասարակություն
Ստանալ կարճ հղումը
36020

Տնտեսագետ Ատոմ Մարգարյանը վարչապետ Փաշինյանի խոստումն իրականացնելու ուղիներ է առաջակում։

ԵՐԵՎԱՆ, 16 հուլիսի — Sputnik. Հիփոթեքային վարկավորման տոկոսադրույքները բարձր են, և նույնիսկ սոցիալական բնակարանաշինության ծրագրերի դեպքում դրանք մոտ են բիզնես վարկերի տոկոսադրույքներին, ինչը նորմալ չի կարելի համարել, քանի որ այն ոչ միայն չի նպաստում երկրում սոցիալական վիճակի բարելավմանը, այլև չի խթանում բնակարանաշինությունը։ Sputnik Արմենիայի հետ զրույցում, անդրադառնալով Հայաստանի հիփոթեքային շուկայում առկա խնդիրներին, ասաց Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը։

Ինչ վերաբերում է ՀՀ նոր կառավարության` հիփոթեքային շուկայի աշխուժացմանն ու տոկոսների նվազեցմանն ուղղված ձեռնարկած քայլերին, Մարգարյանը դրանք դրական է գնահատում։

«Այն քայլերը, որ արվում են ժամկետանց տույժ ու տուգանքների ներման և տոկոսադրույքների մակարդակն իջեցնելու ուղղությամբ, ընդհանուր առմամբ ընդունելի են։ Բայց խնդիրը ոչ այնքան կառավարության, որքան շուկայի տիրույթում է»,- ասաց տնտեսագետը` հավելելով, որ միայն ինստիտուցիոնալ մեթոդներով տոկոսադրույքների նվազեցումը մեծածավալ արդյունքի չի հանգեցնի։

Մասնագետի դիտարկմամբ, հիփոթեքային շուկան մատչելի ու հասանելի դարձնելու ավելի կայուն գործիք կարող է դառնալ կուտակային կենսաթոշակային համակարգը։ Այն, ըստ տնտեսագետի, ստեղծում է երկարաժամկետ փողեր, որոնք կարող են աղբյուր հանդիսանալ նաև երկարաժամկետ հիփոթեքային վարկավորման համար` հանգեցնելով նաև տոկոսադրույքների նվազման։

«Կարելի է, օրինակ, արժեթղթավորել կենսաթոշակային ֆոնդերի միջոցները և կիրառել որպես հիփոթեքային շուկայի գործիքներ»,- ասաց Մարգարյանը։

Նա համոզված է, որ հիփոթեքային շուկան մատչելի դարձնելու գործում կարող են նպաստել նաև թավշյա հեղափոխությունն ու կոռուպցիայի դեմ պայքարը, որի շնորհիվ բանկային ու շինարարական ոլորտները կձերբազատվեն «կոռուպցիոն տուրքերից»։

Այսպիսով, ըստ Մարգարյանի` կառավարության ճիշտ, նպատակային աշխատանքի շնորհիվ Հայաստանում հիփոթեքային տոկոսադրույքները հնարավոր կլինի նվազել մինչև 5-6 տոկոս։

Իսկ բնակարանային շինարարության պահանջարկը, նրա խոսքով, Հայաստանում բավականին մեծ է ոչ միայն բնակարան չունեցող երիտասարդ ընտանիքների հաշվարկով, այլև քաղաքային բնակֆոնդի նորացման անհրաժեշտության տեսակետից։

Հիշեցնենք` երեկ երեկոյան հիփոթեքային վարկավորման տոկոսադրույքների նվազեցման խնդրին էր անդրադարձել նաև վարչապետ Նիկոլ Փաշինյանը` պատասխանելով ֆեյսբուքյան օգտատերերի հարցերին։

Վարչապետն ասել էր, որ կառավարությունն աշխատում է վարկի տոկոսը նվազեցնելու ուղղությամբ, և եթե ամեն ինչ հաջող գնա, կառավարությանը կհաջողվի հիփոթեքային վարկերի տոկոսադրույքն իջեցնել աննախադեպ մակարդակի:

Ըստ թեմայի

Շատ կարևոր թեմա. Փաշինյանը հիփոթեքի թեմայով խորհրդակցություն է հրավիրել
«Զինվորականներին անտոկոս վարկ ենք տրամադրելու». Նիկոլ Փաշինյան
թեգերը:
Նիկոլ Փաշինյան, Հայաստան

Գլխավոր թեմաներ