05:41 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Գարեգին II

Կաթողիկոսը կարգալույծ արեց Կորյուն աբեղա Առաքելյանին

© Sputnik / Karen Yepremyan
Հասարակություն
Ստանալ կարճ հղումը
«Նոր Հայաստան, նոր հայրապետ» նախաձեռնություն (19)
31111

«Նոր Հայաստան, նոր հայրապետ» նախաձեռնության մասնակիցը դասվեց աշխարհականների շարքը։

ԵՐԵՎԱՆ, 17 հուլիսի — Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կարգալույծ է հռչակվել Կորյուն աբեղա Առաքելյանը` եկեղեցականին անհարիր վարքագծի ու հակականոնական ընթացքի համար: Այս մասին հայտնում է Մայր Աթոռի տեղեկատվական համակարգը:

Տնօրինության համար հիմք է ծառայել Մայր Աթոռ Սուրբ Էջմիածնի Կարգապահական հանձնախմբի եզրակացությունը, ինչպես նաև սահմանված մեկշաբաթյա շրջանում զղջմամբ ու ապաշխարությամբ դարձի գալու հորդորի անտեսումը:

Կարգալույծ եկեղեցականն այսուհետ կդասվի աշխարհականների շարքը՝ Արմեն Առաքելյան ավազանի անունով:

Հիշեցնենք, որ «Նոր Հայաստան, նոր հայրապետ» նախաձեռնության մեջ ընդգրկված Կորյուն աբեղայի և մի խումբ աշխարհականների պահվածքի և գործողությունների առնչությամբ անցնող շաբաթների ընթացքում իրենց անհանգստության և դատապարտության խոսքն էին հնչեցրել եպիսկոպոսաց դասը, բազմաթիվ եկեղեցականներ և հավատացյալներ ինչպես Հայաստանից, այնպես և Սփյուռքից։

Մայր Աթոռ Սուրբ Էջմիածնի միաբանները հուլիսի 6-ին խնդրագրով դիմել էին Վեհափառ Հայրապետին կարգազանց հոգևորականին պատասխանատվության ենթարկելու խիստ միջոցներ ձեռնարկելու վերաբերյալ։

Հուլիսի 10-ի Գերագույն հոգևոր խորհրդի ժողովում որոշում էր կայացվել Նորին Սրբության հորդորով մեկշաբաթյա վերջնաժամկետ սահմանել, որպեսզի անդրադարձումի ևս մեկ առիթ ընծայվի նախաձեռնության անդամներին՝ դադարեցնելու հակականոնական իրենց գործողությունները և վերադառնալու Սուրբ Էջմիածնի խնամակալ հովանու ներքո։

Նշենք, որ «Նոր Հայաստան, նոր հայրապետ» նախաձեռնությունն արդեն շուրջ 2 ամիս բողոքի ակցիաների միջոցով պահանջում է Ամենայն հայոց կաթողիկոսի հրաժարականը։

Շարժման մասնակիցները` Հայր Կորյուն վարդապետի, Տեր Արմեն քահանայի և Տեր Կորյուն քահանայի գլխավորությամբ, հավաքվում են Երևանում կաթողիկոսի նստավայրը համարվող Կաթողիկե և Սուրբ Աննա եկեղեցիների բակում, երթեր և ցույցեր անցկացնում ինչպես Երևանում, այնպես էլ Էջմիածնում։

թեմա:
«Նոր Հայաստան, նոր հայրապետ» նախաձեռնություն (19)

Ըստ թեմայի

Օսիպյանը հրամայել է քննության առնել կաթողիկոսի հետ կապված միջադեպը
Հայաստանի և Արցախի մարդու իրավունքների պաշտպաններին մտահոգում է կաթողիկոսի հետ կատարվածը
Հոգևորականները պատրաստ են կյանքի գնով ապահովել կաթողիկոսի անվտանգությունը. տեսանյութ
Կաթողիկոսին դուրս են բերել ցուցարարների շրջափակումից

Գլխավոր թեմաներ