Լև Ռիժկով, Sputnik
Փորձենք ստուգել, արդյո՞ք էստրադային արտիստների միջև ծավալված դրաման իսկապես հանկարծակի է սկսել։ Sputnik–ը որոշել է պարզել, արդյո՞ք դրա նախանշանները չկային։
Առաջին նախանշանները
Նախանշաններ իսկապես եղել են. առաջինն ի հայտ եկավ դեռևս 2008 թ.-ին։
2008 թ.-ի հունիսին «դեղին» մամուլում Եվգենի Պետրոսյանի ու Ելենա Ստեպանենկոյի ապահարզանի մասին տեղեկություն հայտնվեց։ Ասում էին, որ 18 տարի համատեղ կյանքից հետո երգիծաբանները սկսել են Մոսկվայի կենտրոնում առանձին տներում ապրել։
Այդ հրապարակումը միակը չէր. տասնյակ նման հրապարակումներ էին հայտնվել։ Սակայն այդ տեղեկությունը ոչ մի անգամ պաշտոնապես չի հաստատվեց։
Ահա, թե այդ մասին ինչ էր ասել Եվգենի Պետրոսյանն ընդամենը երկու տարի առաջ տված հարցազրույցներից մեկում.
«Ինչ–որ մեկը միտումնավոր է այդ հիմար բամբասանքները տարածել։ Մենք Ելենայի հետ դրա համար ոչ մի առիթ չենք տվել։ Մնում է միայն ենթադրել, որ դա պատվերով է արվում։ Մենք նույնիսկ չենք վիճել»։
Եվ ահա, թե ինչ էր ասում Ելենա Ստեպանենկոն այդ առիթով. «Գործող արտիստին փիար առանձնապես, պետք չէ. հատկապես` այդպիսի։ Ես ու Ժենյան բեմում հաճախ միասին ենք ելույթ ունենում։ Ու հանդիսատեսը հաճախ է հարցնում՝ ճի՞շտ է, որ բաժանվել եք։ Ու, բացասական պատասխան ստանալով, հանգստանում ու ծափահարում։ Մենք երջանիկ ենք միասին, ու հանդիսատեսը զգում է դա»։
Օգոստոսի 6–ին փաստաբան Սերգեյ Ժորինը դատարանում ուղիղ տեքստով հայտնեց, որ Եվգենի Պետրոսյանն ու Ելենա Ստեպանենկոն արդեն 15 տարի է ինչ միասին չեն ապրում։
Ստացվում է` արտիստները խաբել են մե՞զ։
Գոյություն չունեցող սիրո խոսքերը
Պետրոսյանը բազում հարցազրույցներ է տվել և ամեն անգամ ջերմ խոսքեր ասել իր երկրորդ կեսի մասին։
«Պետք է սիրել միմյանց։ Դա ամուր ընտանիքի գլխավոր գաղտնիքն է։ Եթե չես սիրում, ոչ մի ընտանիք չի ստացվի», – ներկայացնում էր նա ընտանեկան երջանկության գաղտնիքը։
Ահա Եվգենի Պետրոսյանի հարցազրույցից ևս մեկ սրտաճմլիկ հատված։ Խոսքը նրա տարած սրտի չափազանց ծանր վիրահատության մասին է։
«Բնականաբար, Լենան ամբողջ ընթացքում ինձ հետ էր»։
Այն ժամանակ Եվգենի Պետրոսյանն ասում էր, որ ուշքի գալուց հետո առաջին մարդը, որին նա տեսել է, Ելենա Ստեպանենկոն է եղել. հնարավոր է` դա ճիշտ է։
Իսկ Ելենա Ստեպանենկոն նկարագրում էր իրենց, ինչպես հետո պարզվեց՝ գոյություն չունեցող ընտանեկան երջանկության մասին.
«Ժենյան տան մարդ է, ջերմ, ուշադիր, հոգատար ու քնքուշ։ Նա սիրում է անակնկալներ անել։ Նա բորշչ ու տոլմա է սիրում»։
Ինչպիսի՞ դաս քաղել այս պատմությունից
Նախ` երևի պետք չէ վստահել ցուցադրական սիրուն։ Հենց այդպիսի օրինակելի զույգերի մոտ կյանքում ամեն ինչ բարդ է։
Երկորդը՝ այդպիսի պատմություններից հետո աստղերին վստահելու առումով ճգնաժամ է սկսվում։ Հիմա, ամեն անգամ, երբ նրանք պնդեն, որ ամեն ինչ լավ է, ցանկացած հանդիսատեսի գլխում ահազանգ կհնչի։
