15:50 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Դավիթ Տոնոյան. պաշտպանության նախարար

ՀԱՊԿ գլխավոր քարտուղարի թեկնածություն չի քննարկվել, իսկ ՊՆ գնումներում դեռ խնդիր կա

© Photo : press office of the MoD of RA
Հասարակություն
Ստանալ կարճ հղումը
«Մարտի 1»-ի գործը (142)
17710

Դավիթ Տոնոյանը հորդորում է սպասել:

ԵՐԵՎԱՆ, 9 օգոստոսի — Sputnik. ՀԱՊԿ նոր գլխավոր քարտուղարի թեկնածություն դեռ չի քննարկվել: Այս մասին, պատասխանելով Tert.am-ի հարցին, ասել է պաշտպանության նախարար Դավիթ Տոնոյանը:

«Դեռ չի քննարկվել, այս պահին Յուրի Խաչատուրովը շարունակում է պաշտոնավարել, բայց ինչպես հայտարարվել է, կոնսուլտացիաների գործընթաց է սկսվել, որից հետո կլինի թեկնածուի առաջադրման գործընթաց: ՀԱՊԿ-ում որոշումներն ընդունվում են կոլեգիալ, կոնսենսուսային կերպով»,- շեշտել է նա:

Տոնոյանը նաև հորդորել է 2008թ-ի մարտի մեկի իրադարձությունների գնահատականը ստանալու համար սպասել դատարանի որոշմանը:

Ինչ վերաբերում է «Հանրային քաղաքականության հետազոտությունների ազգային կենտրոն»-ի ղեկավար, տնտեսագետ Արտակ Մանուկյանի հայտարարությանը, թե ՊՆ գնումները կենտրոնացված են, ռիսկային, քանի որ գնումներում հաղթող են ճանաչվել 359 ընկերություններ, բայց խոշորագույն 10 մատակարարները վերահսկում են ՊՆ գնումները, ապա Դավիթ Տոնոյանն ասել է, որ դրա մեջ որոշակի ճշմարտություն կա:

«10 խոշոր կազմակերպություն՝ դեռևս չի նշանակում կոռուպցիա, բայց ռիսկը կա»,- ասել է նա: Նախարարը նաև մատնացույց է արել գնումների մասին օրենքը, որն  ավելի շատ հնարավորություն է տալիս այն կազմակերպություններին, որոնք վստահելի են գնումների գործընթացում ու, հնարավոր է, այդ պատճառով  ավելի շատ են մասնակցում մրցույթներին:

թեմա:
«Մարտի 1»-ի գործը (142)
թեգերը:
Դավիթ Տոնոյան, Հայաստան

Գլխավոր թեմաներ