ԵՐԵՎԱՆ, 12 օգոստոսի — Sputnik. Առաջիկա չորս օրերին Հայաստանում անձրև չի տեղա։ Այս մասին հայտնում է «Հիդրոմետ» ծառայությունը։ Հաղորդագրության մեջ նշվում է, որ առանց տեղումների եղանակը կշարունակվի մինչև օգոստոսի 16-ը։
«Օդի ջերմաստիճանն աստիճանաբար կբարձրանա 3-5 աստիճանով»,- կանխատեսել են օդերևութաբանները։
Օգոստոսի 12-16-ն ընկած ժամանակահատվածում տեղումներ չեն գրանցվի նաև Երևանում։
Այսօր` օգոստոսի 12-ին, մայրաքաղաքում օդի ջերմաստիճանը ցերեկային ժամերին կկազմի 31-33, գիշերային ժամերին` 17-19 աստիճան տաքություն։