ԵՐԵՎԱՆ, 12 օգոստոսի — Sputnik, Լաուրա Սարգսյան. Հայերը տաղանդավոր ազգ են։ Գրեթե ցանկացած ոլորտում կան բարձրաստիճան հայ պրոֆեսիոնալներ։ Ընդ որում՝ երիտասարները ոչինչով չեն զիջում ավագ սերնդին։
Երիտասարդների միջազգային օրվա կապակցությամբ Sputnik Արմենիան ներկայացնում է երիտասարդ հայտնի հայերի յոթնյակը։
Միհրան Կիրակոսյան
Ամերիկահայ հայտնի պարող ու պարուսույց Միհրան Կիրակոսյանը ծնվել է Երևանում 1985 թվականին։ Իր կարիերայի ընթացքում նա աշխատել է աշխարհահռչակ այնպիսի աստղերի հետ, ինչպիսինն են Բրիթնի Սփիրսը, Ռիկի Մարտինը, Փինքն ու փոփի թագուհի Մադոննան։
2004 թվականին հայ պարողը մասնակցել է չորս օր տևած քասթինգին, որը նվիրված էր Մադոննայի Re-invention նոր ալբոմին ու ավելի քան երեք հազար հավակնորդներից հայտնվել է տասներկու լավագույնի շարքում։ Երգչուհին անձամբ է ընտրել պարողներին։ Դրանից հետո Միհրանը մասնակցել է Մադոննայի գրեթե բոլոր ելույթներին։
Հայտնի է, որ Կիրակոսյանի կարիերայի վրա մեծ ազդեցություն է ունեցել Մայքլ Ջեքսոնը։
Անժելա Սարաֆյան
Անժելա Սարաֆյանը ծնվել է Հայաստանում, 4 տարեկանից ապրում է ԱՄՆ-ում: 2000 թ.-ին Սարաֆյանն առաջին անգամ էպիզոդիկ դերով հանդես է եկել «Հեքիաթներ» հեռուստանովելում, այնուհետև խաղացել է բազմաթիվ այլ սերիալներում։ Անժելան խաղացել է «Տիկնիկ», «Kabluey», «Տեղեկատուները», «Գեղեցիկ կյանք» ֆիլմերում, ինչպես նաև մարմնավորել է եգիպտացի վամպիր Տիայի դերը «Մթնշաղ, լուսաբաց. մաս 2» ֆիլմում։ Թերի Ջորջի «Խոստում» ֆիլմում Սարաֆյանը մարմնավորել է Մարալի կերպարը:
Միքայել Արամյան
Հայտնի դերասանը Միքայել Արամյանը ծնվել է 1992 թվականին Երևանում, բայց մեծացել է Մոսկվայում։ Արամյանը մակնուց երազել է դերասան դառնալ, առաջին անգամ կինոյում խաղացել է 12 տարեկանում։ Ավելի ուշ ընդունվել է Ժամանակակից արվեստի ինստիտուտի դերասանական ֆակուլտետ, որից հետո հայտնվել է Սլավա Ստեփանյանի ղեկավարած Մոսկվայի հայկական թատրոնի խմբում։
Աշխատել է նաև որպես մոդել։ Դերասան իսկապես նշանավոր դեր է կատարել Գրիգորի Լյուբիմոցի «Աստիճան դեպի երկինք» ֆիլմում։
Տիգրան Համասյան
Հայ ջազային դաշնակահար, կոմպոզիտոր Տիգրան Համասյանը ծնվել է 1987 թվականին Գյումրիում։ Նրա նախնիները Կարսից էին։ Համասյանը երեք տարեկանից սկսել է դաշնամուր վագել, իսկ վեց տարեկանում երաժշտական դպրոց է գնացել։ Մասնակցել է ջազ-փառատոնների Փարիզում, Մոնտրեում, Մոսկվայում ու մի շարք պարգևներ է ստացել։ Իր առաջին World Passion ձայնասկավառակը ձայնագրել է 18 տարեկանում։ Համերգներ է տվել ամբողջ աշխարհում։
Հենրիխ Մխիթարյան
Հայաստանի հավաքականի ու Լոնդոնի «Արսենալի» կիսապաշտպան Հենրիխ Մխիթարյանը ծնվել է Երևանում 1989։ Նա պաշտում է ֆուտբոլն, սիրում է կարդալ ու խոսում է վեցը լեզվով։
14 տարեկանում Հենրիխը չորս ամսով ստաժավորման է մեկնել բրազիլական «Սան Պաուլու» ակումբ, որտեղ ծանոթացել է այնպիսի լեգենդար ֆուտբոլիստների հետ, ինչպիսին են Էրնանեսը․ Լուկասը, Օսկարը, Դենիլսոնը։
Հենրիխ Մխիթարյանը «ՄՅՈւ»–ի կազմում 1.5 խաղաշրջան անցկացրեց։ Հայաստանի հավաքականի ավագն, ընդհանուր առմամբ, 64 անգամ է դաշտ դուրս եկել` դառնալով 13 գոլի հեղինակ։ 2018 թվականի ձմռանը նա Լոնդոնի «Արսենալ» ակումբ տեղափոխվեց։
Ալեքսիս Օհանյան
Ալեքսիս Օհանյանը ծնվել է 1983 թվականի ապրիլի 24-ին Բրուքլինում (Նյու Յորք)։ Վաղ տարիքից նա իր կյանքը կապել է վեբ-դիզայնի և ծրագրավորման աշխարհի հետ։ Մեծ գումար վաստակելուց առաջ Reddit աշխարհի խոշորագույն կայքերից մեկի համահիմնադիրը աշխատել է որպես աման լվացող, պիցցա պատրաստող, մատուցող։ Նա երազել է փաստաբան դառնալ ու օգնել գաղթականներին քաղաքացիություն ստանալու հարցում։ Ավելի ուշ նա հասկացել է, որ դա չէ իր ճանապարհը։
2013 թվականին նա հրատարակել է «Առանց նրանց թույլտվության» ("Without Their Permission") գիրքը, այն ուղղված է երիտասարդ գործարարներին, որոնք հավատում են, որ համացանցը, որպես ժամանցի, եկամտի ու աջակցման աղբյուր ապագա ունի։
Ալեքսիսն ամուսնացած է հայտնի թենիսիստուհի Սերենա ՈՒիլյամսի հետ։
Դավիթ Պաբլո Նալբանդյան
Իտալահայ ծագում ունեցող արգենտինացի թենիսիստ Դավիթ Պաբլո Նալբանդյանը ծնվել է Արգենտիանյում 1982 թվականի հունվարի 1-ին։ Միայնակ խաղում Նալբանդյանը աշխարհի երրորդ ռակետն է ճանաչվել։ Նա հինգ տարեկանից թենիս է խաղում։ Դավիթն ունի երկու եղբայր՝ Խավիերն ու Դարիոն։ Նրանք թենիսի մարզիչներ են։
Նա երիտասարդների մրցաշարերում 14, 16 ու 18 տարիքային խմբերում Արգենտինան է ներկայացրել։ Դավիթը 1996 թվականին Արգենտինայի հավաքականի կազմում երիտասարդների թիմային աշխարհի առաջնության հաղթող է դարձել։
