01:27 28 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
19120

Երեխաները սովորում են պլանավորել իրենց օրը, իսկ ծնողները` հետևել և օգնել նրանց։

ԵՐԵՎԱՆ, 13 օգոստոսի — Sputnik. Noomee հայկական ստարտափը առաջարկում է ծրագիր, որը նախատեսված է աուտիզմով տառապող երեխաներին օգնելու համար։ Ծրագիրն արդեն փորձարկել է հիվանդության տարբեր աստիճան ունեցող մոտ 40 երեխա։

Նման երեխաները ստիպված են շատ սովորել։ Այդ պատճառով ծրագիրը առավելագույնս հեշտ է։ Պարզապես անհրաժեշտ է ամեն առավոտ չմոռանալ նայել հեռախոսի էկրանին։

«Ծրագրում տեղադրել ենք օրգանայզեր, որը օրվա առաջադրանքներ է պարունակում։ Առավոտից այն հիշեցնում է, օրինակ, որ պետք է լվանալ ձեռքերը և մաքրել ատամները։ Ծրագրի մեկ այլ ֆունկցիան gps–թրեքերն է։ Այն ծնողների համար է, որպեսզի երեխան չմոլորվի։ Իսկ երրորդը` տեսահոլովակ է` վարքագծի մասին օգտակար խորհուրդներով», – ասում է ընկերության հիմնադիրներից մեկը` Գայանե Հովհաննիսյանը։

Ծրագրից օգտվել սովորեցրել են նաև էրգոթերապևտներին` աուտիզմով տառապող երեխաների հետ աշխատող բժիշկներին։

«Մենք ճշտել ենք նաև բժիշկների և ծնողների կարծիքները ծրագրի մասին, և այժմ դրա հիման վրա կատարելագործում ենք այն», – ասում է Գայանեն։

Աշխատանքը զուր չի անցել, քանի որ երեխաներն ընտելացել են։ Չասենք, թե նրանք «առաջադրանք են կատարում»։ Ավելի շուտ սովորում են, թե ինչպես ապրեն մեծ ու անծանոթ աշխարհում։

Իսկ ծնողներին առաջարկում են ոչ միայն հետևել երեխաներին, այլև տեսնել, թե ինչ է երեխան սովորել մեկ օրվա ընթացքում և օգնել նրան։

«Չէ՞ որ մենք միշտ սովորելու բան ունենք։ Նրանք ևս», – ավելացնում է Գայանեն։

Մինչև տարեվերջ ուզում են գործարկեն ծրագրի բետա տարբերակը, այնուհետև արդեն վերջնականը։

Ծրագիրը ներկայացվել է Սևանա լճում անցկացվող Sevan Startup Summit 2018 միջազգային մրցույթի ժամանակ։ Մրցույթն իրականացվել է Եվրամիության Eu4Business ծրագրի, Գերմանիայի Միջազգային զարգացման գործակալության (GIZ), Startup Armenia հիմնադրամի և այլ կազմակերպությունների աջակցությամբ։

Ըստ թեմայի

Հայկական անիմացիայի հաղթարշավը. «Օբոլոտ» ռոբոտը նվաճում է համացանցը
Ուր է հասել աշխարհը. ռոբոտը մարդուց լավ է սալտո անում
«Չինացի» ռոբոտը քննություն է հանձնել բժիշկ դառնալու համար
Հայ պատանիների պատրաստած մարտական ռոբոտը բրնոզե մեդալ է բերել ԱՄՆ-ից
Ռոբոտը պինգ–պոնգ է խաղում
Հայկական ռոբոտը շալախո է պարում
թեգերը:
Հայաստան

Գլխավոր թեմաներ