16:52 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Երեխաներ

Երբ կավելացնեն 2–րդ երեխայի համար տրվող միանվագ նպաստը. պարզաբանում է նախարարը

© Sputnik / David Galstyan
Հասարակություն
Ստանալ կարճ հղումը
53610

Հայաստանի այսօրվա լուրջ ժողովրդագրական խնդրի ֆոնին Մանե Թանդիլյանն այս նախագիծը կարևոր է համարում և նշում, որ հնարավոր է այն հետադարձ ուժ ունենա:

ԵՐԵՎԱՆ, 22 օգոստոսի — Sputnik. Գոյություն չունի մեկ բանաձև բոլորի խնդիրների լուծման համար, քանի որ յուրաքանչյուրն ունի առանձին պահանջմունք։ Պաշտոնավորման 100 օրն ամփոփող ասուլիսին այսօր ասաց աշխատանքի և սոցիալական հարցերի նախարար Մանե Թանդիլյանը:

Նախարարը լրագրողներին տեղեկացրեց, որ երկրորդ երեխայի ծննդյան միանվագ նպաստի չափը 50.000 դրամի փոխարեն 150.000 դրամ սահմանելու վերաբերյալ առաջարկը ներկայացվել է ՀՀ կառավարության հաստատմանը:

«Գոնե այս փուլում ֆինանսական միջոցների խնդիր չկա, մեծ գումարների մասին չէ խոսքը։ Ունենք նախարարության տարբեր միջոցներ, գումարներ` այդ հարցը լուծվելու համար: Ինձ համար էլ էին հայտնություն այդքան ընթացակարգերը։ Նախատեսում ենք հոկտեմբերի 1-ից ուժի մեջ մտցնել, ավելին՝ կքննարկենք նաև օրենքի հետադարձ ուժ ունենալու հարցը»,- նշեց Թանդիլյանը:

Հայաստանի այսօրվա լուրջ ժողովրդագրական խնդրի ֆոնին նախարարն այս նախագիծը կարևոր է համարում:

«Միջինում 1.7 երեխա է ծնվում ՀՀ-ում, եթե 2-րդ երեխան չծնվի, ապա լուրջ հետընթաց ենք ունենալու: Ինչ վերաբերում է հարցին, թե ժողովրդագրական ինչ նպատակ ենք հետապնդում 2-րդ երեխայի համար 150 հազար դրամ նախատեսելով, ասեմ, որ շատերը կարող են մտածել, թե սա չի խթանում ծնելիությունը, սակայն սա հաղորդագրություն է, որով մենք ասում ենք, որ 2-րդ երեխան մեր պետության համար ռազմավարական նշանակություն ունի»,- ընդգծեց Թանդիլյանը:

Նրա դիտարկմամբ` երբ մեր հայացքը միայն դեպի 3-4-րդ երեխան է լինում, ապա նվազեցվում է 1-ին և 2-րդ երեխայի նշանակությունը։

Ըստ թեմայի

Հայաստանում աշխատող մայրերին այլևս չի վճարվի 18 հազար դրամ նպաստը
Դպրոցական ծախսերը գերազանցում են ընտանեկան նպաստը
Երեխայի միանվագ նպաստը կտրվի անկանխիկ եղանակով
թեգերը:
Մանե Թանդիլյան, Հայաստան

Գլխավոր թեմաներ