20:20 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Հասարակություն
Ստանալ կարճ հղումը
455 0 0

«Հայ-չինական բարեկամության դպրոց» հիմնադրամի հոգաբարձուների խորհրդի նիստում հաստատվել է երեխաների ընդունելության ձևաչափը։

ԵՐԵՎԱՆ, 23 օգոստոսի — Sputnik. «Հայ-չինական բարեկամության դպրոց» հիմնադրամի հոգաբարձուների խորհուրդն առաջին նիստն է անցկացրել։ Օրակարգում ընդգրկված հարցերից է եղել 5-9-րդ դասարաններում սովորելու համար դիմումներ ներկայացրած աշակերտների ընդունելության ձևաչափի հաստատումը: Այս մասին հայտնում է ՀՀ կրթության և գիտության նախարարության մամուլի ծառայությունը։

«Խորհուրդը, հաշվի առնելով խնդրի հրատապությունը և ծնողների հետ ունեցած հանդիպումների ընթացքում արտահայտված կարծիքները, որոշել է ստեղծել հանձնախումբ, որը կհաշվարկի յուրաքանչյուր աշակերտի վերջին մեկ ուսումնական տարվա առաջադիմության միջին թվաբանականը, և դրա հիման վրա կկատարի ընդունելությունը»,- նշված է հաղորդագրության մեջ:

Ըստ ԿԳՆ-ի` Հոգաբարձուների խորհուրդը որոշել է նաև մինչև օգոստոսի 24-ը դպրոցում հրապարակել ընդունված աշակերտների ցուցակը։

Նշենք, որ ՀՀ կրթության և գիտության փոխնախարար Հովհաննես Հովհաննիսյանն ավելի վաղ Sputnik Արմենիայի հետ զրույցում ասել էր` չինական դպրոցը չի տարբերվելու Հայաստանում գործող հանրակրթական մյուս դպրոցներից։

405 աշակերտի համար նախատեսված դպրոցը շուրջ 700 դիմորդ ունի։ Իսկ քանի որ դպրոցի նոր շենքը կառուցվել է նախկին 103 դպրոցի տեղում, ապա նոր դպրոցում սովորելու անվերապահ իրավունք են ստանալու դպրոցի նախկին սաները` շուրջ 100 հոգի։ Արդյունքում ցանկալի տեղերի թիվը կրճատվում է, մնում է 300-ը։
Փոխնախարարն ասել էր, որ մրցութային կամ քննության կարգով ընդունելությունն արգելված է հանրակրթության օրենքով, ուստի նախարարությունում առավել հակված են վիճակահանություն անցկացնելու տարբերակին։

Հիշեցնենք, որ Հայ-չինական բարեկամության դպրոցը մեծ շուքով բացվեց երեկ` օգոստոսի 22-ին, բացման արարողությանը ներկա էր նաև ՀՀ վարչապետ Նիկոլ Փաշինյանը։

Գլխավոր թեմաներ