13:20 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Կարկուտ

Ճակատագրի հեգնանք էր. գյուղնախարարը` օգոստոսին տեղացած կարկուտի մասին

© Photo : Araik Margaryan
Հասարակություն
Ստանալ կարճ հղումը
68 0 0

Գյուղատնտեսության նախարարն այսօր խոսել է եղանակի` գյուղատնտեսությանը հասցրած վնասների ու դրանից հնարավոր պաշտպանության մասին:

ԵՐԵՎԱՆ, 31 օգոստոսի — Sputnik. Այս տարի եղանակային տարբեր երևույթների հետևանքով գյուղատնտեսությանը հասցված վնասը դեռ վերջնական հաշվարկված չէ: Այսօր, ամփոփելով իր պաշտոնավարման 100 օրը, լրագրողների հետ հանդիպմանն ասաց ՀՀ գյուղատնտեսության նախարար Արթուր Խաչատրյանը:

«Մինչև օգոստոս ամիսը մենք անհամեմատ ավելի լավ վիճակում էինք, քան նախորդ տարիներին: Մեր հաշվարկներով վնասները 6 մլրդ դրամի կարգի են: Համեմատության համար ասեմ` նախորդ տարի վնասը մոտ 12 մլրդ դրամ էր, 2016-ին` 32 մլրդ դրամ»,– ասաց նախարարը:

Իսկ օգոստոսյան ուժեղ կարկտահարությունից ու սելավից հետո վնասները հստակ հաշվարկված չեն:

«ճակատագրի հեգնանք էր: Ես վարչապետին երկուշաբթի զեկուցեցի, որ այս պահին վնասն այսքան է, սպասում ենք, որ օգոստոսի 2-րդ կեսին ռիսկը կանցի ու հենց հաջորդ օրը Արմավիրի կարկուտը տեղաց»,- ասաց նախարարը` հավելելով, որ եթե նոր եղանակային անակնկալներ չլինեն, վնասի հաշվարկից հետո կառավարությունը կկարողանա նաև հստակ ասել, թե ինչ հնարավորություն ունի կարկուտից ու սելավից տուժած գյուղացիներին աջակցելու համար:

Իսկ մինչ այդ կառավարությունն աշխատում է գյուղատնտեսական ապահովագրության ներդրման ուղղությամբ: Առաջիկա մի քանի տարիների բյուջեներում արդեն իսկ այդ նպատակով 10 մլն եվրո է նախատեսվել, որի կեսը հատկացնելու են միջազգային դոնոր կազմակերպությունները:

«Սա փորձնական ծրագիր է և հաջողության դեպքում կտարածվի ամբողջ հանրապետության տարածքում»,- ասաց Արթուր խաչատրյանը:

Ապահովագրության փորձնական ներդրումը կկատարվի նախ երեք մարզում` Արարատ, Արմավիր, Շիրակ, որոնք առավել ռիսկային են համարվել:

Հիշեցնենք, որ օգոստոսի 10–ին Արմավիրի մարզի որոշ համայնքներում տեղացած կարկուտը և ուժեղ քամին զգալի վնաս են հասցրել գյուղացիական տնտեսություններին` արմատախիլ անելով ծառել, պոկելով դեռ չհասած խաղողի ճյուղեր, վնասելով այլ մշակաբույսերի արտեր։

Ըստ թեմայի

Կվերցնեն արդյո՞ք ավել ջուր Սևանից. բերքը, թե՞ Սևանը՝ մեծ երկընտրանք կառավարության համար
Բերքը էլի վնասվել է. գյուղնախարարը դժգոհ է հակակարկտային կայանների աշխատանքից
Ծիրանի այս տարվա բերքը շատ է. հիմա ի՞նչն է մտահոգում գյուղացիներին. տեսանյութ
թեգերը:
ՀՀ Գյուղատնտեսության նախարարություն, Արթուր Խաչատրյան, Հայաստան

Գլխավոր թեմաներ