16:54 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Ձերբակալում

28–ամյա կնոջ սպանությունը բացահայտվել է. կասկածյալը ձերբակալվել է

CC BY-SA 2.0 / houstondwiPhotos mp / Handcuffs and a Car
Հասարակություն
Ստանալ կարճ հղումը
345 0 0

Իրականացվում են անհրաժեշտ քննչական գործողություններ՝ սպանության բոլոր հանգամանքները պարզելու համար։

ԵՐԵՎԱՆ, 31 օգոստոսի — Sputnik. Երևանում երեկ  կատարված սպանությունը բացահայտվել է, կասկածյալը ձերբակալված է, հայտնում են ՀՀ քննչական կոմիտեից։

Ինչպես արդեն տեղեկացրել էինք, 2018 թ. օգոստոսի 30-ին, ժամը 17։35-ին, շտապօգնության 6-րդ ենթակայանից ահազանգ է ստացվել, որ Երևան քաղաքի Արարատյան փողոցի տներից մեկում հայտնաբերվել է երիտասարդ կնոջ դի՝ բռնության հետքերով, կտրած-ծակած վնասվածքներով։

Անմիջապես դեպքի վայր էր մեկնել քննչական-օպերատիվ խումբը. տան հյուրասենյակում հայտնաբերվել է 1990 թվականի ծնված կնոջ դի՝ մարմնի տարբեր հատվածներում բազմաթիվ կտրած-ծակած վնասվածքներով:

Կատարվել է դեպքի վայրի զննություն, որի ընթացքում հայտնաբերվել են արնանման նյութի հետքեր, մատնահետքեր, երկու դանակ, որոնցից մեկի վրա հայտնաբերվել է արնանման նյութի հետք:

Դեպքի առթիվ Շենգավիթ շրջանի քննչական բաժնում նույն օրը՝ օգոստոսի 30-ին, հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով, մշակվել քննչական պլան:

Ձեռնարկված անհետաձգելի քննչական և օպերատիվ-որոնողական միջոցառումների արդյունքում տվյալներ են ձեռք բերվել ենթադրյալ հանցագործություն կատարած անձի ինքնության վերաբերյալ, ով Աբովյան քաղաքի բնակիչ է, ծնված՝ 1980 թ.։ Կասկածյալը ձերբակալվել է։

Նախաքննությունը շարունակվում է, իրականացվում են անհրաժեշտ քննչական գործողությունները՝ սպանության բոլոր հանգամանքները պարզելու, բազմակողմանի, օբյեկտիվ և լրիվ հետազոտումն ապահովելու ուղղությամբ։ Նշանակվել են դատաբժշկական, դատագենետիկական և դատակենսաբանական փորձաքննություններ:

Ըստ թեմայի

Երևանյան լճում 19–ամյա աղջկա դի է հայտնաբերվել
Երևանյան լճից փրկարարները հանել են 30–ամյա կնոջ դի
Լոռու մարզի գյուղերից մեկում ծառից կախված գտել են 67 տարեկան տղամարդու դի
Երևանում հրդեհված խոտի դեզի մեջ 6–ամյա երեխայի դի են հայտնաբերել
Երևանի «Հաղթանակ» կամրջի տակ հայտնաբերվել է կնոջ դի, իսկ կամրջի վրա՝ նրա իրերը

Գլխավոր թեմաներ