03:57 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Արայիկ Հարությունյան

Ուսուցիչների աշխատավարձը բարձրանալու է. նախարարն ասաց` երբ

© Sputnik / Aram Nersesyan
Հասարակություն
Ստանալ կարճ հղումը
231131

Կրթության և գիտության նախարարը խոսեց «Ուսուցիչ» ծրագրի և աշխատավարձերի բարձրացման մասին։

ԵՐԵՎԱՆ, 1 սեպտեմբերի — Sputnik. «Ուսուցիչ» ծրագրով հաջորդ տարի նախատեսում են մանկավարժների վերապատրաստում, որի արդյունքում ուսուցիչների աշխատավարձը կբարձրանա: Այս մասին այսօր՝ սեպտեմբերի 1-ին, Արմավիրի մարզի Սարդարապատ գյուղի դպրոցում լրագրողների հետ զրույցում նշեց ՀՀ կրթության և գիտության նախարար Արայիկ Հարությունյանը:

«Այսինքն մենք ստեղծել ենք մի համակարգ, երբ վերապատրաստման և որակի բարձրացման արդյունքում ուսուցչի աշխատավարձը բարձրանալու է»,-ասաց նա:

Նշենք, որ Հարությունյանն այսօր շնորհավորական ուղերձ է հղել Գիտելիքի օրվա կապակցությամբ` նշելով, որ եկել է գիրք կարդացողի, մտածողի ժամանակաշրջանը: Ժամանակակից աշխարհում գիտելիքի և կրթության կարևոր բաղադրիչը ազատ և քննադատական մտածողությունն է, վերլուծական միտքը, որի հիմքերը դրվում են դպրոցում և շարունակվում հետագայում՝ հանրային կյանքի բոլոր ոլորտներում: Կրթությունը իրավագիտակից, պահանջատեր ու մրցունակ քաղաքացի ձևավորելու կարևոր գործընթաց է, որի ապահովման երաշխավորը պետությունն է, ուսուցիչն ու դասախոսը: Կրթությանը վիճակված է լինել նոր Հայաստանի տեսլականի առաջատարը, ներառական զարգացման շարժիչ ուժը:

«Սիրելի մանկավարժներ, Հայաստանում տեղի ունեցած մեծ փոփոխությունները պետք է իրենց արտացոլումը գտնեն նաև կրթության համակարգում, որը մեծապես պայմանավորված է ձեր ստեղծագործ և նվիրական աշխատանքով: Բոլոր այն մանկավարժները, տնօրենները, ովքեր աջակցում են դպրոցի վերափոխման գործընթացին, իմ գործընկերներն են, ու կանեմ առավելագույնը՝ նրանց աջակցելու համար: Խորապես ծանոթ եմ այն դժվարություններին, որոնց բախվել եք նախկինում, այն խնդիրներին, որոնք առկա են հիմա: Համատեղ աշխատանքով, վստահ եմ, լուծումներ տալու ենք բոլոր առկա հարցերին՝ մեր բոլորի առջև դնելով ավելի մեծ նպատակներ»,- նշել է նախարարը:

Հարություննյանն ընդգծել է, որ արդար երկիր ունենալու համար, առաջին հերթին, արդար պետք է լինի դպրոցը՝ ապահովելով որակյալ կրթության հավասար հասանելիությունը բոլորի համար:

Ըստ թեմայի

Խաչատրյան. «Կարելի էր անակնկալ անել և ուսուցիչներին ազատել մատյան լրացնելուց»
Մարտիրոսյան. «Ուսուցիչներից շատերը, ցավոք, խոչընդոտ են դառնում աշակերտի և դասագրքի միջև»
Խաչատրյան. «Դպրոցներում չունենք 20–րդ դարում ծնված աշակերտ և 21–րդ դարում ծնված ուսուցիչ»
Կրթության նախարարն ասաց` որ դեպքում կբարձրացնի ուսուցիչների աշխատավարձը
Դրամ հավաքող ուսուցիչն ու տնօրենը կհայտնվեն ոստիկանության թիրախում
թեգերը:
Արայիկ Հարությունյան, Հայաստան

Գլխավոր թեմաներ