09:29 23 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Ալեքսանդր Սիրադեկյանն ու Դավիթ Գևորգովը

Հայերն ամենուրեք են. նորաձևության ու գեղեցկության աշխարհը տակնուվրա արած 5 հայերը

© Sputnik / Руслан Кривобок
Հասարակություն
Ստանալ կարճ հղումը
160 0 0

Աշխարհի տարբեր երկրներում ապրող հայերն իրենց տաղանդով և աշխատասիրությամբ կարող են մեծ հաջողությունների հասնել ամենատարբեր ոլորտներում: Բնականաբար, գեղեցկության և նորաձևության ինդուստրիան բացառություն չէ:

ԵՐԵՎԱՆ, 16 սեպտեմբերի — Sputnik, Լիլիթ Հարությունյան. Հայերից մեկն արդեն վաղուց զարմացնում է նորաձևության և գեղեցկության աշխարհը, իսկ ինչ-որ մեկը նոր է ոտք դրել այդ աշխարհ, բայց արդեն հասցրել է իր խոսքն ասել: Sputnik Արմենիան ներկայացնում է անցած տարվա բյութի ինդուստրիայի աչքի ընկած գործիչներին:

Ասյա Մխիթարյան և Դմիտրի Եվենկո

Asthik Group-ի և Ienki Ienki-ի հիմնադիրներ Ասյա Մխիթարյանը և Դմիտրի Եվենկոն երկրորդ տարին անընդմեջ ընդգրկվում են նորաձևության ոլորտի BoF 500 ամենաազդեցիկ մարդկանց ցուցակում, որը կազմում է The Business of Fashion պարբերականը։ Նշվում է, որ նրանք այդ երկրի գլխավոր նորաձև գործարարներն են:

Asthik Group-ի մեջ են մտնում Asthik մուլտիբրենդային խանութը, առցանց խանութը, Valentino-ի և Agent Provocateur-ի կիևյան բուտիկները, առևտրային տարածքներ Կիևի կենտրոնական հանրախանութում, ինչպես նաև Buro 24/7 Ուկրաինա առցանց ամսագիրը: Դմիտրի Եվենկոյի Ienki Ienki ապրանքանիշը միայն վերջին տարվա ընթացքում ձեռք է բերել 155 նոր ռիթեյլերներ: Հիմա այն ներկայացված է աշխարհի 315 խանութում:

Հավելենք, որ BoF 500 ցուցակում են ընդգրկվել այնպիսի ռիթեյլերներ, ինչպիսիք են ամերիկյան Barneys-ը, բրիտանական Browns-ը, ֆրանսիական The Broken Arm-ը, իտալական Luisa Via Roma-ն, Antonia-ն և ուրիշներ:

Սամվել Թումանյան

Մյուս հայը, որը որոշակի առումով տակնուվրա է արել նորաձևության խորհրդավոր աշխարհը, նույնպես Ուկրաինայից է: 20 տարեկան Սամվել Թումանյանը Գոստոմելից է, նա նորաձևության մրցարշավում հետ է մղել Ուկրաինայի, Ղազախստանի, Բելառուսի և այլ երկրների 70 հազար հավակնորդներին, 13 կգ նիհարել է և 2017թ-ին դարձել «Թոփ մոդել ուկրաինական ձևով» նախագծի հաղթողը:

Սամվելը Ուկրաինայի ամենամասշտաբային մոդելային շոուի պատմության մեջ առաջին տղան է, որ հաղթել է խառը եթերաշրջանում:

Победитель проекта «Топ-модель по-украински» Самвел Туманян
Սամվել Թումանյան

Գոհար Ավետիսյան

Տաղանդավոր ոճաբան և դիմահարդար Գոհար Ավետիսյանն այսօր համարվում է Ռուսաստանի ամենահայտնի բյութի բլոգերներից մեկը: Instagram սոցիալական ցանցում նրա կյանքին և գործունեությանը հետևում են ավելի քան հինգ միլիոն մարդիկ:

25 տարեկան Գոհարը ստեղծում է գեղեցկության սեփական կայսրությունը: Նրա վարպետության դասերին մասնակցելու ցանկություն ունեցողները պետք է գրանցվեն կես տարի առաջ: Հատկապես հայտնի է դարձել նրա «Կերպարանափոխություն» նախագիծը, որի շրջանակում «մեյքափի գուրուն» օգնում է լիովին կերպարանափոխվել ոչ սովորական արտաքինով կամ մաշկով աղջիկներին: Աղմկահարույց նախագծի մասին գրել է նաև բրիտանական Daily Mail-ը: Նա զբաղվում է նաև բարեգործությամբ:

Гоар Аветисян
Գոհար Ավետիսյան

Ալեքսանդր Սիրադեղյան

Կոշիկի հայտնի դիզայներ Ալեքսանդր Սիրադեղյանը, Look-book նորաձևության կայքի համաձայն, 2017թ-ին համարվել է կոշիկի լավագույն ռուսաստանցի դիզայները՝ Instagram-ի վարկածով:

Սիրադեղյանը բազմաթիվ անգամ է զարմացրել Ռուսաստանի մայրաքաղաքի «երես առած» աստղերին: Անցած տարի նա ներկայացրել է Nazani հավաքածուն:

Նոր հավաքածուի ցուցադրությանը, որը ստեղծելիս դիզայները ոգեշնչվել է հայկական մշակույթով և արվեստով, ներկա են եղել Քրիստինա Օրբակայտեն, Վիկտորյա Շելյագովան, Էվելինա Խրոմչենկոն, Ալլա Վերբերը, Էկա Օրջոնիկիձեն և Վադիմ Ամինովաժի կինը՝ Ստելլա Ամինովան:

Александр Сирадекиян
Личная страница в facebook
Ալեքսանդր Սիրադեղյան

Ռուբինա Խանզադյան

Ամերիկահայ մոդել, դիզայներ և նկարիչ Ռուբինա Խանզադյանն առաջին հայ աղջիկն է, որը սկսել է գովազդել Victoria's Secret աշխարհահռչակ ապրանքանիշի ներքնազգեստը: Անցած տարի նա պայմանագիր է կնքել նաև Fenty Beauty-ի հետ, որը հիմնադրել է հայտնի երգչուհի Ռիհանան:

Բացի այդ, 2017թ-ին Ռուբինան բացել է իր սեփական ապրանքանիշը՝ Rubina Dyan, և իր հավաքածուն ակտիվորեն առաջ է մղում Իսպանիայում և ԱՄՆ-ում:

Рубина Ханзадян (Rubina Dyan)
© AFP 2018 / ANGELA WEISS
Рубина Ханзадян (Rubina Dyan)

Ըստ թեմայի

Համասեռականների թեման նրան չվախեցրեց. Սամվել Թումանյանը հաղթեց «Թոփ մոդել» շոուում
Հայրս չէր թողնում բեմ դուրս գալ. Գոհար Ավետիսյանը պատմել է` ինչն է իրեն առաջ մղել
Դիմահարդարման թագուհի Գոհար Ավետիսյանն ասել է` ինչու է հազվադեպ լուսանկարվում քրոջ հետ
Makeup-ի թագուհի Գոհար Ավետիսյանը վերափոխել է սկանդալային երգչուհի Օլգա Բուզովային

Գլխավոր թեմաներ