09:02 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Հայկ Մարության

Առաջին հերթին ի՞նչ պետք է ապացուցի Հայկ Մարությանը երևանցիներին

© Sputnik / Asatur Yesayants
Հասարակություն
Ստանալ կարճ հղումը
Երևանի ավագանու ընտրություններ 2018 (109)
151 0 0

«Մարդկային զարգացման կենտրոն» հասարակական կազմակերպության նախագահ Թևան Պողոսյանը վստահ է, որ Երևանի ավագանու ընտրություններում հաղթած քաղաքական ուժը պետք է կարողանա համագործակցություն հաստատել բոլոր կուսակցությունների և դաշինքների հետ։

ԵՐԵՎԱՆ, 25 սեպտեմբերի — Sputnik. Ավագանու ընտրություններում հաղթած «Իմ Քայլը» դաշինքը նախևառաջ պետք է ապացուցի, որ Երևանը բոլորինն է, այսօր հրավիրված ասուլիսի ժամանակ լրագրողներին ասաց «Մարդկային զարգացման կենտրոն» հասարակական կազմակերպության նախագահ Թևան Պողոսյանը։

«Թող բոլորը դասեր քաղեն նախկին սխալներից։ Նոր թիմը պետք է համագործակցության ձևաչափ գտնի բոլոր 12 թեկնածուների հետ, վերցնի լավագույն գաղափարները և իրագործի դրանք։ Ապացուցի, որ Երևանը բոլորինն է», — ասաց Պողոսյանը։

Նա նշեց նաև, որ պետք է հասկանալ մի բան` բոլոր հարցերը մեկ օրում չեն լուծվում։ Տարվա ավարտին չորս ամիս է մնացել, նշանակում է` բյուջեի մեծ մասն արդեն ծախսված է։ Ստորագրված են պայմանագրեր, որոնք պետք է իրագործվեն։ Նոր ավագանին պետք է լուծի այդ բոլոր հարցերը։

«Կլինի աշխատակազմի օպտիմալացում, «զտում», հակակոռուպցիոն արշավ։ Սակայն նոր ավագանին պետք է այնպես անի, որ մենք 2800-ամյակն իսկապես դիմավորենք նույն տոնական մթնոլորտում, ինչ սեպտեմբերի 21-ը», — ասաց Պողոսյանը։

Պողոսյանը կարծում է, որ Հայաստանն անցած շաբաթ հաջողությամբ է հանձնել «երկու քննությունները». Հայաստանի անկախության օրն անցել է դրական և տոնական մթնոլորտում, ընտրություններն էլ եղել են արդար ու թափանցիկ։

«Ուրախ եմ, որ մենք սովորել ենք քվեարկել։ Մենք քվեարկել ենք, և այդ ձայներն արդար են եղել», — ասաց Պողոսյանը։

Փորձագետը նշեց, որ առաջիկայում Հայաստանին նոր փորձություն է սպասում` խորհրդարանական արտահերթ ընտրությունները։

Հիշեցնենք, որ սեպտեմբերի 23-ին Երևանի ավագանու ընտրություններում հաղթեց «Իմ քայլը» դաշինքը, որին կողմ է քվեարկել ընտրողների 81,06 տոկոսը (294109 ընտրող)։ Երկրորդ տեղում է «Բարգավաճ Հայաստան» կուսակցությունը՝ 6,95 տոկոս արդյունքով (25219)։ Երրորդ հորիզոնականում «Լույս» դաշինքն է՝ 4,99 տոկոս արդյունքով (18112)։ Ընտրությունների մասնակցությունը կազմել է 43,65 տոկոս (370323 ընտրող)։ Այսպիսով՝ «Իմ քայլը» դաշինքի համամասնական ցուցակը գլխավորող Հայկ Մարությանը դարձավ Երևանի նոր քաղաքապետ։ Մարությանը Երևանի քաղաքապետի պաշտոնը կստանձնի հոկտեմբերի 10-ին։

թեմա:
Երևանի ավագանու ընտրություններ 2018 (109)

Ըստ թեմայի

Գագիկ Ծառուկյանն ընդունում է Հայկ Մարությանի հաղթանակը
Ինչպես է «Ժառանգությունը» շնորհավորել Հայկ Մարությանին
Ինչպես Նիկոլ Փաշինյանն արձագանքեց Հայկ Մարությանի հաղթանակին
Հայկ Մարությանը լարված քարոզարշավում նաև զավեշտալի դեպքեր է արձանագրել
թեգերը:
Հայկ Մարության, Հայաստան

Գլխավոր թեմաներ