ԵՐԵՎԱՆ, 1 հոկտեմբերի — Sputnik. Շառլ Ազնավուրի մահը մեծ կորուստ էր Հայաստանի ու Ֆրանսիայի և բոլոր նրանց համար, ովքեր սիրահարված էին նրա պոեզիային։ Twitter-ի իր էջում այս մասին գրել է Հայաստանում Ֆրանսիայի դեսպան Ջոնաթան Լաքոտը։
Աշխարհահռչակ ֆրանսիահայ շանսոնյեն մահացավ այսօր 94 տարեկանում Ֆրանսիայի հարավում գտնվող իր տանը։ Ազնավուրն իրեն միաժամանակ և՛ հայ, և՛ ֆրանսիացի էր համարում։
«Մենք կորցրինք Շառլ Ազնավուրին։ Նա խորհրդանշում էր Ֆրանսիայի և Հայաստանի հարաբերությունները ողջ խորությամբ, հարստությամբ, մարդկայնությամբ։ Սա հսկայական կորուստ է մեր երկու երկրի և բոլոր նրանց համար, ովքեր սիրահարված էին նրա պոեզիային», — գրել է ֆրանսիացի դիվանագետը։
Nous venons de perdre Charles #Aznavour, qui personnifiait à lui seul la relation entre la France et l'Arménie dans toute sa profondeur, sa richesse, son humanité.
— Jonathan Lacôte (@JonathanLacote) 1 октября 2018 г.
C'est une perte immense pour nos deux pays et tous les amoureux de sa poésie. pic.twitter.com/ibbTvBVboh
Շառլ Ազնավուրի մահվան լուրին արդեն արձագանքել են մի շարք պաշտոնյաներ, այդ թվում` ՀՀ վարչապետ Նիկոլ Փաշինյանը։
