21:16 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Երևան

«Տարեք ինձ դեպի արև». երևանցիները հրաժեշտ տվեցին մեծն Ազնավուրին

© Sputnik / Asatur Yesayants
Հասարակություն
Ստանալ կարճ հղումը
56910

Երևանցիները, չկարողանալով զսպել արցունքները, կիզիչ արևի տակ հետևեցին մեծագույն արտիստի հրաժեշտի արարողությանը։

ԵՐԵՎԱՆ, 5 հոկտեմբերի — Sputnik. Շառլ Ազնավուրի անվան հրապարակում, կիզիչ արևի տակ բազմաթիվ երևանցիներ էին հավաքվել և էկրանի դիմաց կանգնած հետևում էին լեգենդար շանսոնյեի հրաժեշտի ազգային արարողությանը։

Люди на площади Азнавура следят за прямым эфиром церемонии прощания с Шарлем Азнавуром в Париже (5 октября 2018). Ереван
© Sputnik / Asatur Yesayants
Երևանի ազնավուրի հրապարակ

Տատիկների, պապիկների, տղամարդկանց, կանանց և երեխաների աչքերից արցունքներ հորդացին, երբ հնչեց «Դլե յամանը» և «Հաշմանդամների տան» բակ բերեցին ֆրանսիական դրոշով ծածկված դագաղն ու հայկական եռագույնով ծաղկեպսակը։ Մեծահասակ կանայք այնպես էին լալիս, կարծես հրաժեշտ էին տալիս ընտանիքի անդամին, տղամարդիկ փորձում էին ծածկել դեմքերը` հազիվ զսպելով արցունքները։

Երևանցիներին տպավորեց նաև Ֆրանսիայի նախագահ Էմանուել Մակրոնի ելույթը։ Ազնավուրի հայրենակիցները հոգոցներով և տխուր ժպիտներով էին լսում Ֆրանսիայի առաջնորդին, որն ասում էր. «Նա նաև մեզ էր ապրեցնում՝ ամոքելով մեր հույզերն ու զգացմունքները: Տասնյակ տարիներ նա մեր կյանքը քաղցրացնում էր, պակասեցնում մեր արցունքները, ավելացնում երջանկությունը»։

Ֆրանսիայում անցկացված արարողությանը ներկա էր Հայաստանի ղեկավարությունը, իսկ Երևանում` Ազնավուրի հրապարակում, նրան հրաժեշտ էին տալիս ֆրանսիական պետության ներկայացուցիչները։

«Նա մարմնավորում էր հայ-ֆրանսիական բարեկամությունն իր խորությամբ և բազմազանությամբ։ Նա մեծ հայ էր ու ֆրանսիացի։ Ֆրանսերենի դեսպանն էր ամբողջ աշխարհում։ Երկու երկրներն էլ հպարտ են այդպիսի զավակի համար», — Sputnik Արմենիայի հետ զրույցում տխրությամբ ասաց Ֆրանսիայի դեսպան Ջոնաթան Լաքոտը։

  • Ջոնաթան Լաթոտ
    Ջոնաթան Լաթոտ
    © Sputnik / Asatur Yesayants
  • Ազնավուրի հրապարակ
    Ազնավուրի հրապարակ
    © Sputnik / Asatur Yesayants
  • Ազնավուրի հրապարակ
    Ազնավուրի հրապարակ
    © Sputnik / Asatur Yesayants
1 / 3
© Sputnik / Asatur Yesayants
Ջոնաթան Լաթոտ

Ազնավուրն իրավացի էր, երբ ասում էր, որ 100% հայ է և 100% ֆրանսիացի, համոզված է դեսպանը։ Դիվանագետը կարծում է, որ նրա մահը մեծ կորուստ է երկու ժողովուրդների համար։

«Ինձ շատ էին հարցնում, թե Ազնավուրի որ երգն եմ ավելի շատ սիրում։ Ես այսօր գիտակցեցի` հենց այն, որի ուղեկցությամբ նրան այսօր վերջին ճանապարհը դրեցին` «Emmenez-moi» (Տարեք ինձ)», — ընդգծեց Լաքոտը։

Մշակույթի փոխնախարար Տիգրան Գալստյանը նշեց, որ Ազնավուրի մասին առաջին անգամ լսել է, երբ դեռ շատ փոքր է եղել, և ֆրանսերեն չհասկանալով` անգիր է արել նրա երգերի բառերը։ Ավելի ուշ` արդեն 12 տարեկանում, նրան հաջողվել է սեղմել մեծն շանսոնյեի ձեռքը, սակայն այնքան հուզված է եղել, որ չի հիշում, թե ինչի մասին է խոսել նրա հետ։

«Նրա երգերը թափանցում են սրտի խորքերն ու հետք թողնում այնտեղ։ Հայերի մոտ նա հետաքրքրություն էր ծնում Ֆրանսիայի, այդ երկրի լեզվի և մշակույթի նկատմամբ, իսկ ֆրանսիացիների մոտ` հայերենի և հայ մշակույթի։ Նա մեծ մարդ է, որին պետք է երախտապարտ լինեն երկու ժողովուրդները ամուր կապերի և նման հարուստ մշակութային ժառանգության համար», — նշեց փոխնախարարը։

Շառլ Ազնավուրը մահացել է 2018 թվականի հոկտեմբերի 1-ին 94 տարեկանում։ Նա մահացել է թոքերի այտուցից։

Ըստ թեմայի

«Նա խոստացել էր ապրել 100 տարի». Մակրոնը հրաժեշտ տվեց Ազնավուրին
Ննջիր խաղաղությամբ, սիրելի Վարպետ. Փաշինյանի ելույթը Ազնավուրի հրաժեշտի արարողությանը
«Մայրս պարել է Շառլի հետ». Զուրաբիշվիլին պատմել է «անհայտ» Ազնավուրի մասին
«Մենք ի՞նչ իմանայինք, որ նա հայ էր». թուրք լրագրողը հուզիչ հոդված է գրել Ազնավուրի մասին
Ազնավուրը չի մահացել, նա ապրում է իր երգերում. Սգո մատյանում գրառումներ կատարվեցին
Հայտնի է Շառլ Ազնավուրի մահվան պատճառը
թեգերը:
Շառլ Ազնավուր, Հայաստան

Գլխավոր թեմաներ