02:44 21 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37
Էմանուել ՄԱկրոնն ու նրա կինը Երևանում

Հայաստանը սիրելի է դարձել հյուրերին. հայկական մշակույթն ու խոհանոցը ստիպում են վերադառնալ

© Sputnik / Asatur Yesayants
Հասարակություն
Ստանալ կարճ հղումը
«Ապրել միասին». Ֆրանկոֆոնիան Հայաստանում (77)
14510

Հյուրերը հավանել են Հայաստանն ու հայկական խոհանոցը. նրանց տպավորությունները փոխանցել է ՀՀ վարչապետի տիկինը:

ԵՐԵՎԱՆ, 12 հոկտեմբեր — Sputnik. Ֆրանկոֆոնիայի գագաթաժողովին մասնակցող օտարերկրյա բարձրաստիճան հյուրերն ու նրանց տիկնայք Հայաստանից տանում են ջերմ տպավորություններ և առաջին իսկ առիթի դեպքում կվերադառնան: Այսօր լրագրողներին հայտնել է ՀՀ վարչապետի տիկին Աննա Հակոբյանը:

Նա նաև նշել է, որ անչափ ուրախ է, որ Հայաստանին հաջողվել է լավ տպավորություն թողնել հյուրերի վրա:

«Ես մեր հյուրերին հրավիրել եմ կրկին այցելել Հայաստան: Նրանք սիրով ցանկություն են հայտնել վերադառնալ, որովհետև այն, ինչ զգացել են, տեսել են, կարծում եմ, դարձյալ կցանկանան տեսնել»,- ասաց նա:

Աննա Հակոբյանը հայտնել է, որ բոլոր հյուրերը մեր երկրում լավ ժամանակ են անցկացրել և տպավորված են այստեղ տեսած ու զգացած ամեն ինչից, այդ թվում` երեկ Հանրապետության հրապարակում կայացած գալլա համերգից ու հայկական խոհանոցից:

«Ես ինձ իսկապես շատ լավ եմ զգում, որ մեր երկիրն այսքան սիրելի է դառնում մեր հյուրերի համար` անկախ նրանից, թե որ երկրից են իրենք եկել, ինչ մշակույթի և ինչ մենթալիտետի կրող են»,- ասաց տիկին Հակոբյանը:

Հիշեցնենք՝ հոկտեմբերի 11-12 –ին Երևանում կայանալիք Ֆրանկոֆոնիայի գագաթնաժողովին ժամանել են բազմաթիվ հյուրեր` աշխարհի տարբեր երկրներից։ Նրանց թվում է Ֆրանսիայի նախագահ Էմանուել Մակրոնը` կնոջ` Բրիջիտ Մակրոնի հետ, Կանադայի ու Բելգիայի վարչապետներ Ջասթին Տրյուդոն ու Շարլ Միշելը և այլ բարձր մակարդակի պատվիրակություններ աշխարհի տասնյակ երկրներից:

թեմա:
«Ապրել միասին». Ֆրանկոֆոնիան Հայաստանում (77)

Ըստ թեմայի

Էմանուել Մակրոնի և նրա կնոջ ֆրանսիական զբոսանքը Երևանում
«Երեխայի պես լաց էի լինում»․ ֆրանսիացի երգիչն ասել է՝ ինչ է սովորել նա լեգենդար Ազնավուրից
«Նիկոլի հետ բոլորը ժպտում են», կամ Փաշինյանի սելֆիի հարյուր երանգները
«Ապրել միասին»․ Ֆրանկոֆոնիայի գագաթաժողովի երևանյան համերգը համաշխարհային մասշտաբի էր
Ֆրանսիական նրբագեղությունը հայկական ճոխությամբ ու հյուրընկալությամբ. ֆոտոշարք
թեգերը:
Ֆրանկոֆոնիան Հայաստանում, Հայաստան

Գլխավոր թեմաներ