19:14 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Հայկ Մարության

Ինձ սխալ եք հասկացել. Մարությանը հորդորում է չհավատալ վերնագրերին

© Sputnik / Asatur Yesayants
Հասարակություն
Ստանալ կարճ հղումը
66411

Հայկ Մարությանը հորդորում է չհավատալ մամուլում հրապարակված հոդվածների վերնագրերին և տեսանյութը նայել։

ԵՐԵՎԱՆ, 13 հոկտեմբերի — Sputnik. Երևանի նորընտիր քաղաքապետ Հայկ Մարությանը հերքում է լուրը, թե հիմա ինքը կողմ է Երևանի տրանսպորտի ուղեվարձի թանկացմանը։

«Սիրելի երևանցիներ, պաշտոնապես հայտարարում եմ, ինչպես և 5 տարի առաջ այնպես էլ հիմա դեմ եմ տրանսպորտի թանկացմանը քաղաքացիների համար»,–գրել է նա ֆեյսբուքյան իր էջում:

Հիշեցնենք, որ այսօր, երդմնակալության արարողությունից հետո լրագրողների հետ զրույցում Մարությանը ասել էր, որ միասին պետք է լուծենք այս խնդիրը: «Օրինակ` մենք կոնկրետ սակագին կներկայացնենք, և քաղաքացին կորոշի՝ սուբսիդավորել ուղեվարձը պետության հաշվին, թե՞ վճարել սեփական գրպանից: Առաջին դեպքում հասկանալի է, որ դա կարվի ուրիշ ծրագրի կամ նախագծի հաշվին»։

«Տրանսպորտի ինքնարժեքի բարձրացման դեպքում քաղաքը պետք է լուծի խնդիրն այնպես, որ քաղաքացիների համար սակագինը չթանկանա»,–շարունակել է գրել նորընտիր քաղաքապետը` խորհուրդ տալով միշտ դիտել տեսանյութը և չհավատալ հոդվածների վերնագրերին:

Հիշեցնենք, որ 2013թ.-ին քաղաքային իշխանությունները հայտարարել են գինը մինչև 150 դրամ բարձրացնելու մասին, որից հետո տեղի են ունեցել բողոքի զանգվածային ակցիաներ «Ոչ 150 դրամին» կարգախոսով, և որոշումը չեղարկվեց։ Այդ ժամանակվա ակտիվիստներից մեկը Հայկ Մարությանն էր:

Ըստ թեմայի

Մարությանը 1 մլրդ 700 մլն դրամ ծախսը կրճատել է հասցնելով 300 մլն դրամի
Սա իրական երդում է ձեր և Աստծո առաջ. Հայկ Մարությանը երդվեց և խոստացավ շենացնել Երևանը
Օրվա կադր. Քաղաքական «Մեր բակը». Հայկ Մարությանը` իր նոր դերում

Գլխավոր թեմաներ