22:48 31 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
«Ապրել միասին». Ֆրանկոֆոնիան Հայաստանում (77)
143 0 0

Ֆրանսերեն սովորում էին Օսմանյան կայսրության դեմ կռվող լիբանանցիները։ Իսկ հիմա Լիբանանում դա խաղաղության ու կրթության լեզու է։

ԵՐԵՎԱՆ, 14 հոկտեմբերի — Sputnik, Արամ Գարեգինյան. «Ֆրանկոֆոնիայի ավանը» ծանոթացրեց Հայաստանի բնակիչներին աշխարհի տարբեր անկյունների մշակույթի հետ։ Մենք շատ բան տեսանք ու իմացանք։ Իսկ ահա լիբանանյան տաղավարում գրեթե ամեն ինչ ծանոթ էր։  Ոմանք նույնիսկ այն հայկական սփյուռքի տաղավարի տեղ էին դնում։

Հայերին այստեղ ծանոթ էին փախլավան ու կիբբեխը, ազգային տարազների պատկերները․ ոմանք դա արևմտահայկականի տեղ էին դնում։

«Այստեղ փորձել ենք հավաքել Լիբանանի ամբողջ մշակութային ու պատմական հարստությունը։ Մենք նաև փոքրիկ անկյուն ենք առանձնացրել, որտեղ կարելի է համտեսել մեր խոհանոցի ուտեստները։ Դա նույնպես մեր մշակութային հարստության մի մասն է», — ասում է Հայաստանում Լիբանանի դեսպան Մայա Դաղերը։

Մայրենի արաբերենի հետ մեկտեղ լիբանանցիները ֆրանսերեն են սովորում։ Նրանց համար դա ուղիղ իմաստով ազատության լեզու է։ Ֆրանսերեն սովորում էին այն մարդիկ, որոնք 1916 թվականին ֆրանսիական բանակի Արևելյան լեգիոն էին մտել ու կռվում էին Օսմանյան կայսրության դեմ։

Մինչ այժմ էլ ֆրանսերենը Լիբանանում ամուր ավանդույթներ ունի։ Դրանով դպրոցականները կարդում են ոչ միայն Սենտ-Էքզյուպերի կամ Մոլյեր, այլև արաբալիբանանյան գրականության դասական Շեքրի Գանեմին։

«Ֆրանսերենը կարելի է անվանել մեր երկրի երկրորդ լեզուն, արաբերենից հետո։ Հիմա այն անգլերենի հետ գրեթե նույն մակարդակի վրա է», — ասում է Դաղերը։

Տաղավարում ֆրանսերենով մի քանի գիրք էր ներկայացված Լիբանանի մասին։ Այն մասին, ինչպես են քրիստոնյա արաբները, մուսուլման արաբները, ասորիները, հայերը, հրեաները, դրուզներն ու ուրիշներն ապրում միասին։

«Մենք գրեթե 20 համայնք ունենք՝ քրիստոնեական ու մուսուլմանական։ Մենք աշխարհին vivre ensemble-ի («ապրել միասին» — Ֆրանկոֆոնիայի կարգախոսը – խմբ․) օրինակ ենք ծառայում», — ընդգծեց դեսպանը։

Ֆրանկոֆոնիայի գագաթաժողովին ժամանել էին 38 երկրների առաջնորդներ, այդ թվում՝ Ֆրանսիայի նախագահ Էմանուել Մակրոնը, Կանադայի և Բելգիայի վարչապետներ Ջասթին Տրյուդոն և Շառլ Միշելը, Լիբանանի նախագահ Միշել Աունը: Ֆրանկոֆոնիայի 17-րդ գագաթնաժողովին մասնակցելու համար Հայաստան է ժամանել 84 երկրի պատվիրակություն: Հայաստանում Ֆրանկոֆոնիայի օրերի շրջանակում մի քանի միջոցառում անցկացվեց․ գործնական ֆորում, ցուցահանդեսներ ու համերգներ, Ֆրանկոֆոնիայի երկրների ու տարածաշրջանների ցուցադրում։

թեմա:
«Ապրել միասին». Ֆրանկոֆոնիան Հայաստանում (77)

Ըստ թեմայի

Ֆրանկոֆոնիան մտնում է ԱՄՆ ու հեռանում է Սաուդյան Արաբիայից․ գագաթնաժողովի ամփոփում
Ադրբեջանը` Ֆրանկոֆոնիայում․Ֆրանսիայի ԱԳՆ պետքարտուղարի պատասխանը
Հայաստանը Ֆրանկոֆոնիայի երկրների թվային տնտեսության համար հարթակ կստեղծի
Լուիզ Միշիկիվաբոն դարձավ Ֆրանկոֆոնիայի գլխավոր քարտուղարը
Հանդիպումներ բարձրաստիճան անձանց հետ. Ֆրանկոֆոնիայի գագաթնաժողովը շարունակվում է
«Ապրել միասին»․ Ֆրանկոֆոնիայի գագաթնաժողովի երևանյան համերգը համաշխարհային մասշտաբի էր
Տոն Հայաստանում, Ֆրանսիայում և այլուր. Ֆրանկոֆոնիայի հետնաբեմի վառ գույները
թեգերը:
Հայաստան

Գլխավոր թեմաներ