ԵՐԵՎԱՆ, 15 հոկտեմբերի — Sputnik. Հայաստանի Հրազդան քաղաքի բնակիչ 12 տարեկան Արթուր Միքայելյանը ցնցել է «Զարմանալի մարդիկ» հեռուստաշոուի ժյուրիի անդամներին ու հանդիսատեսին։ Նա րոպեի ճշգրտությամբ կարողանում է գուշակել ժամը։
Հեռուստածրագրի թղթակիցները փորձություն են կազմակերպել տղայի համար։ Մի քանի ժամ շարունակ նրանք Արթուրի հետ շրջել են Մոսկվայում ու նույնը հարցն ուղղել նրան. «Ժամը քանի՞սն է»։
Ժյուրիի անդամ Օլգա Շելեստը սեփական փորձությունն է անցկացրել։ Երբ Արթուրը հերթական անգամ պատասխանել է հարցին` նա զանգահարել է ճշգրիտ ժամանակի ծառայություն ու պարզել, որ տղան միայն երկու րոպեով է սխալվել։
Տղայի մայրը պատմել է, որ դասարանցիները հարցնում են Արթուրին` որքան է մնացել դասի ավարտին, իսկ ուսուցիչները հասկանում են, որ դասն ավարտվել է, երբ նա սկսում է հավաքել գրքերն ու տետրերը։ Ծնողները տղայի այս ունակությունը բացահայտել են դեռ այն ժամանակ, երբ նա սկսել է խոսել։ Իսկ տղան սկսել է խոսել ութ տարեկանում։
Արթուրը հետաքրքրել է Հայաստանի Գինեսի ռեկորդների գրքի հանձնաժողովին։ Նրա համար առանձին բաժին է բացվել, քանի որ մինչ այժմ այդպիսի շնորհք ոչ ոք չի դրսևորել։ Նա, ըստ էության, մրցակիցներ չունի։