ԵՐԵՎԱՆ, 22 հոկտեմբերի — Sputnik. Հեռուստաաստղ և մոդել Քիմ Քարդաշյանի ամուսինը՝ Քանյե Ուեսթը, ինքնատիպ նվեր է մատուցել սիրելի կնոջ 38-ամյակին։
Հոբելյարը տեսանյութ է հրապարկել Twitter-ում, որում երևում է, թե ինչպես է ամուսինը էկզոտիկ ծաղիկներով և փետուրներով զարդարել տունը և նրա համար ռոմանտիկ մեղեդի է նվագել։
The most beautiful birthday flowers in the world!!!!! I have the sweetest most creative husband! Thank you babe love you so much!!! pic.twitter.com/hpv8HFH6kQ
— Kim Kardashian West (@KimKardashian) 20 октября 2018 г.
«Աշխարհի ամենագեղեցիկ ծաղիկները ծննդյան օրվա կապակցությամբ։ Իմ ամուսինն ամենալավն է և ամենակրեատիվը։ Շնորհակալություն, քեզ շատ եմ սիրում», — տեսանյութին կից գրել է Քիմը։
Քանյեի անակնկալն այդքան էլ չի տպավորել Քիմի բաժանորդներին։ Շատերին զարմացրել է գերաստղերի տան հարդարանքը։
«Չափազանց մինիմալիստական է ձեր հսկա առանձնատան համար», «Ոչ թե տուն է, այլ ապաստարան», «Դրանք ծաղիկներ չեն, այլ ինչ-որ ծառեր», «Դուք գոնե ինչ-որ կահույք ունե՞ք», «Փախիր այդ խորտակված նավից», — գրել են օգտատերերը։
Ամուսնուց բացի, Քիմին շնորհավորել է մայրը՝ Քրիս Ջենները։ Նա գրել է, որ Քիմը լավագույն մայրն է, կինը, քույրը և ընկերը։
