18:15 02 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Հասարակություն
Ստանալ կարճ հղումը
19810

Գաբրիելյանը հայտնեց, որ Սևանա լճում տարեկան միջինը 100 տոննա ձուկ է ավելանում, բայց միայն 20 – 30%–ն է որսի ենթակա։

ԵՐԵՎԱՆ, 24 հոկտեմբերի — Sputnik. Սևանա լճում ձկան պաշարների մեծացման միտում կա։ Այս մասին այսօր մամուլի ասուլիսի ժամանակ ասաց ՀՀ ձկնաբուծության և հիդրոէկոլոգիայի ինստիտուտի տնօրեն Բարդուղ Գաբրիելյանը։

«Սիգը Սևանում ավելանում է։ Այս տարվա արդյունագործական պաշարը կազմում է ընդհանուր պաշարի 20-25 տոկոսը: Օրինակ` եթե հիմա ասում եմ, որ 540 տոննա է եղել արդյունագործական պաշարը, նշանակում է` ընդհանուր պաշարը 2200 տոննա է կազմել։ Եթե այս տարի էլ աճի միտումը պահպանվի, տարվա վերջում կպարզվի, որ Սևանա լճում 600 տոննայից մի փոքր շատ սիգ կա», — ասաց նա ու ավելացրեց, որ ձկան պոպուլյացիայի վերաբերյալ չի կարող կոնկրետ թվեր ներկայացնել, քանի որ հետազոտության արդյունքները դեռ ամփոփված չեն։

Փորձագետի կարծիքով` լուրջ խնդիր է ձկնագողությունը։ Ձվադրման շրջանում, այսինքն` հիմա, ձկնորսությունը կտրականապես արգելվում է, քանի որ ձկները վտառներով են լինում, իսկ անբարեխիղճ ձկնորսներն օգտվում են դրանից։

Рыбаки. Озеро Севан
© Sputnik / Arpi Beglaryan
Ձկնորսներ

«Շուկաներում կարելի է ոչ միայն ձուկ, այլև ձկնկիթ տեսնել։ Իսկ դա նշանակում է, որ հազարավոր նոր ձկներ պարզապես չեն ծնվում. Հետևաբար պաշարներն էլ զգալիորեն չեն աճում։ Անհրաժեշտ է կանխել ձկնագողության փորձերը», — ասաց նա։

Բոլորը ուշադրություն են դարձնում հիմնականում սիգի և իշխանի պաշարին և մոռացել են էնդեմիկ այլ ձկնատեսակների մասին. բեղլուն ու կողակն էլ պակաս կարևոր չեն: Վերջինը վերացման եզրին է։

«Կողակը էկոլոգիական հատուկ դեր ունի: Ուտում է տակի օրգանական նյութը, մաքրում է լիճը: Հիմա նրա տեղը ինչ-որ չափով, գրավել է խեցգետինը, բայց, միևնույնն է, կարևոր տեսակ է և նրա վերականգման համար ավելի երկար տարիներ են անհրաժեշտ, քան, օրինակ, սիգի: Եթե սիգի համար 7-8 տարին բավական է պոպուլյացիան վերականգնել վերականգնելու համար, իշխանի համար` 10-12 տարին, ապա կողակի համար՝ 20-ից շատ»,- ասաց Գաբրիելյանը։

Փորձագետն ընդգծեց, որ ձկների էնդեմիկ տեսակների պահպանման հարցն ամեն տարի բարձրաձայնվում է, բայց կառավարությունն ու պատասխանատու մարմինները դրան ոչ մի ուշադրություն չեն դարձնում։

Ըստ թեմայի

Հայաստանում «լևի» խողովակներով գողանում են Սևանի ջուրը
Արմավիրի «ծարավ» գյուղերին Սևանի ջուրը չի հասնի. ինչպե՞ս լուծել գյուղացիների խնդիրը
Ադամյան. «Կանգնած ենք խնդրի առաջ. ջրբացթողումների հետևանքով փոխվել է Սևանա լճի էկոլոգիան»

Գլխավոր թեմաներ