13:51 17 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
«Յասաման»  և «Матрешка» ռեստորանների շեֆ խոհարարներ Արտակ Մանուկյանը և Վլադիսլավ Պիսկունովը

Թավշյա էր, դարձավ գաստրոնոմիական. Yerevan Food Fest–ի «հեղափոխական» ավարտը

© Sputnik/ Asatur Yesayants.
Հասարակություն
Ստանալ կարճ հղումը
105 0 0

Yerevan Food Fest փառատոնը երկրում իսկական հեղափոխություն արեց գաստրոնոմիայի ոլորտում։ Այն երկար կհիշեն ինչպես տեղի բնակիչները, այնպես էլ մայրաքաղաքի հյուրերը։

ԵՐԵՎԱՆ, 6 նոյեմբերի – Sputnik. Մաճառ, վինեգրետ ու «կաթնային գետեր, կիսելային ափեր», հիանալի աղանդեր։ Սա Yerevan Food Fest գաստրոնոմիական փառատոնի եզրափակիչ ընթրիքի ժամանակ պատրաստված ուտեստների ամբողջական ցանկը չէ։ Կազմակերպիչների կարծիքով` փառատոնը երկրի ռեստորանային ոլորտում իսկական հեղափոխություն արեց։

Yerevan Food Fest-ը ավարտվեց այսօր՝ նոյեմբերի 6–ին, ընթրիքով, որը պատրաստել էին «Մատրյոշկա» ռեստորանի շեֆ–խոհարար Վլադ Պիսկունովն ու Yasaman ռեստորանի շեֆ–խոհարար Արտակ Մանուկյանը։

Երբ շեֆերը հարմարվում են

Որպես ապերիտիվ մորու մաճառ մատուցեցին, որպես խորտիկ շեֆերն առաջարկեցին «մատրյոշկա» վինեգրետ։

Винегрет «Матрешка»
© Sputnik/ Asatur Yesayants.
Վինեգրետ «Մատրյոշկա»

Sputnik Արմենիայի թղթակցի հետ զրույցում Վլադ Պիսկունովն ասաց, որ Հայաստանում նա ստիպված էր ջանք թափել` մոսկովյանինին նման արդյունք ստանալու համար։

Шеф-повар ресторана Матрешка Владислав Пискунов
© Sputnik/ Asatur Yesayants.
«Матрешка» ռեստորանների շեֆ խոհարար Վլադիսլավ Պիսկունովը

«Վինեգրետի համար բանջարեղենը եփում եմ փայտով վառարանի մեջ։ Նրանք մի փոքր ավելի թեթև են դառնում ու համը կենտրոնանում է։ Այստեղ վառարան չկար, մանղալի վրա էլ չստացվեց, այդ պատճառով ստիպված էի մի փոքր փոխել հերթականությունը։ Նույն համը ստացանք, ինչ Մոսկվայում, բայց այլ միջոցներով», – ասաց Պիսկունովը։

Цыпленок по-московски
© Sputnik/ Asatur Yesayants.
Ճուտը՝ մոսկովյան ձևով

Տեղական իրողությանը հարմարվեց նաև «ձկնային կուլեբյական». այստեղ ավանդական ռուսական նրբաբլիթները փոխարինեցին լավաշով։

Рыбная кулебяка
© Sputnik/ Asatur Yesayants.
Ձկնային կուլեբյակա

Հյուրերը համտեսեցին նաև մոսկովյան ձևով պատրաստված ճուտ ու շիլայով գառան կողեր։

Бараний бок с кашей
© Sputnik/ Asatur Yesayants.
Գառան կողեր՝ շիլայով

Իսկ աղանդերը մորու հետաքրքիր թեթև լցոնքից էր, որի պատրաստման գաղտնիքը շեֆերը չբացահայտեցին։

Десерт «Молочные реки, кисельные берега»
© Sputnik/ Asatur Yesayants.
Աղանդեր «կաթնային գետեր, կիսելային ափեր»

«Սա մեզ համար հետաքրքիր փորձ էր, հետաքրքիր էր Վլադի հետ աշխատել։ Հնարավոր է, նրանից որոշ բաներ կփոխառեմ, ինքս էլ պատրաստվում են նրան ավանդական ավելուկով ապուր պատրաստել սովորեցնել», – Sputnik Արմենիայի թղթակցի հետ զրույցում ասում է Մանուկյանը։

Шеф-повар ресторана Yasaman Артак Манукян
© Sputnik/ Asatur Yesayants.
«Յասաման» ռեստորանի շեֆ խոհարար Արտակ Մանուկյան

Գաստրոնոմիական իրողություն

Գաստրոնոմիական փառատոնի ղեկավար Աննա Մազմանյանը վստահ է, որ Yerevan Foof Fest–ը մինի հեղափոխություն է արել։ Նրա խոսքով` փառատոնը հաճախորդի ու խոհարարի միջև շփման մշակույթ է զարգացնում նաև այլ մշակույթի ընկալում ու մատուցում է սովորեցնում։

«Փառատոնն օգնում է արտասահմանցիներին ընկալել այլ մշակույթ, այս դեպքում` հայկականը։ Ցույց տալ, թե ինչ են կարող նրանք բերել մեր խոհանոց, մեր մթերքով ստեղծել», – Sputnik Արմենիայի թղթակցի հետ զրույցում ասաց Մազմանյանը։

Фестиваль Yerevan food fest 2018
© Sputnik / Asatur Yesayants
Դրվագ Yerevan food fest 2018 փառատոնից

Նրա խոսքով` շեֆերը միշտ ընդհանուր լեզու կգտնեն, սակայն փառատոնն օգնեց նրանց կամուրջները մոտեցնել, ինչը շատ կարևոր է հետագայում փորձի փոխանակման տեսանկյունից։

Նա նաև ընդգծեց, որ ապագայում փառատոնը խոստանում է դառնալ ոչ միայն ավելի ծավալուն, այլև ավելի գրավիչ:

Հայաստանում տեղի են ունենում բազմաթիվ փառատոններ՝ գինու, ձմերուկի, խորովածի, տոլմայի, ղափամայի, գարեջրի, գինու և նույնիսկ՝ ազգային տարազի։

Ոլորտի փորձագետները կարծում են, որ սրանով բարձրանում է երկրի գրավչությունը ու շեշտում, որ նաև այս ամենի արդյունքում է 2017թ-ին Հայաստան այցելել  մոտ 15 միլիոն զբոսաշրջիկ, ինչը 18,7 տոկոսով ավելի է, քան 2016թ-ին։ Այս տարվա առաջին կիսամյակում այդ ցուցանիշն աճել է ևս 10,2 տոկոսով։

Sputnik Արմենիա գործակալությունը փառատոնի ինֆորմացիոն հովանավորն է:

Ըստ թեմայի

«Ինչպիսին զբոսավարն է, այնպիսին էլ Հայաստանն է». Փաշինյանը` զբոսավարների խնդիրների մասին
Հայկական ռեստորանը գերել է Նյու Ջերսիի լրագրողին
Yerevan Food Fest 2018. Sputnik Արմենիայի հյուրը Աննա Մազմանյանն է
«Գաստրո շոկ» և ոչ միայն․ ինչով Հայաստանը կփայլի Yerevan Food Fest-ում
Հայաստանի և Նիդեռլանդների շեֆ խոհարարները ցնցող ընթրիք են պատրաստել․ տեսանյութ
Հայերը ֆենոմենալ ժողովուրդ են. իրենց խոհանոցը գաղտնի են պահում. շեֆ–խոհարարը «զայրացած» է
թեգերը:
Հայաստան

Գլխավոր թեմաներ