21:19 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Կոկորդիլոս

Կենդանաբանական այգում կոկորդիլոս է սատկել

© Sputnik / Наталья Селиверстова
Հասարակություն
Ստանալ կարճ հղումը
173 0 0

Կենդանու անկման պատճառը պարզ կլինի փորձաքննությունների ավարտին։

ԵՐԵՎԱՆ, 26 նոյեմբերի — Sputnik. Երևանի կենդանաբանական այգում այսօր առավոտյան կոկորդիլոսներից մեկին գտել են սատկած: Այս մասին հայտնում է Երևանի կենդանաբանական այգու ֆեյսբուքյան էջը։

«Թե որն է կենդանու անկման պատճառը, կհայտնենք դիահերձումից և համապատասխան լաբորատոր փորձաքննություններից հետո»,– գրված է տեղեկատվության մեջ:

Կենդանաբանական այգին այս պահին ոչ մի լրացուցիչ տեղեկատվություն չի տրամադրում։ Սակայն, ինչպես Sputnik Արմենիային հայտնեց Կենդանաբանական այգու մամուլի խոսնակ Ռուբեն Աբրահամյանը, կենդանու դիակից բացի լաբորատոր փորձաքննության է ենթարկվելու նաև ջուրը, որտեղ պահվում էր նա։

Նշենք, որ Երևանի կենդանաբանական այգում 2 կոկորդիլոս կար, որոնցից մեկին այսօր սատկած են հայտնաբերել։

Հիշեցնենք` վերջին շրջանում Երևանի կենդանաբանական այգու շուրջ կրքերը չեն հանդարտվում։ Վերջերս երկու էգ արջ անսպասելիորեն հարձակվել էին երրորդի վրա և հոշոտել նրան։ Ավելի ուշ տեղեկություն տարածվեց զեբրի թունավորման մասին։

Կենդանու բուժումն իրականացրել են տեղի անասնաբույժները, որոնք խորհրդակցել են Լեհաստանի, Հոլանդիայի, Էստոնիայի, Ռուսաստանի և Իրանի մասնագետների հետ։ Չնայած բոլոր ջանքերին` կենդանուն փրկել չի հաջողվել։

Իսկ արջերի պարագայում ի հայտ է եկել նոր հանգամանք. տեսանյութը, որը տարածվել էր, վաղ առավոտյան նկարահանել էր Այգու աշխատակիցներից մեկը՝ փոխանակ միջոցներ ձեռք առնելու, որ երկու մեծ արջերը չհասցնեին վնասել ավելի երիտասարդին:

Ըստ թեմայի

IAR-ի մասնագետները բուժում են Կենդանաբանական այգու գիշատիչների ատամները
Աշնանային գույներ և արևի ջերմությունը վայելող կենդանիներ. Կենդանաբանական այգին բաց է
Երևանի կենդանաբանական այգում լայնածավալ ստուգումներ կանցկացվեն. ո՞վ է առաջարկի հեղինակը
թեգերը:
Երևան

Գլխավոր թեմաներ