11:05 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Проспект Маштоца в час пик

Երևանի քաղաքապետարանը բանակցում է ներդրողների հետ. ե՞րբ կլուծվի տրանսպորտի հարցը

© Sputnik / Aram Nersesyan
Հասարակություն
Ստանալ կարճ հղումը
98 0 0

Երևանի իշխանությունը մտադիր է նոր ավտոբուսներով ու տրոլեյբուսներով տրանսպորտային պարկը միասնական կառավարման հանձել։

ԵՐԵՎԱՆ, 30 նոյեմբերի — Sputnik. Երևանի տրանսպորտային նոր ցանցը կարող է գործարկվել մինչև 2020 թվականը։ Sputnik Արմենիային այս մասին ասացին Երևանի քաղաքապետարանում։

Քաղաքային իշխանությունը դեռ բանակցում է տրանսպորտային միասնական ցանցի տարբեր հնարավոր օպերատորների և ավտոբուսների արտադրողների հետ։

Արտասահմանյան խորհրդատուները Երևանի տրանսպորտային նոր ցանցի նախագիծ են կազմել Ասիական զարգացման բանկի աջակցությամբ։

«Հիմա այն քննարկման ու հաստատման փուլում է», – ասացին քաղաքապետարանում։

Մոտ երկու տարի է` նախագիծն ուսումնասիրում է աշխատանքային խումբը, որում ընդգրկված են պետական հատվածի, ուղևորափոխադրողների ու հասարակական կազմակերպիչների ներկայացուցիչները։

2012 թվականից ի վեր Երևանում դադարեցվել է 17 ավտոբուսային ու 11 միկրոավտոբուսային երթուղիների աշխատանքը։

«Այդ երթուղիները վերականգնելու հնարավորություն առայժմ չկա», – նշեցին քաղաքապետարանում։

Հիմա, քաղաքապետարանի տվյալներով, մայրաքաղաքում գործում են 40 ավտոբուսային ու 71 միկրոավտոբուսային գծեր։

Նոր ցանցի շրջանակում նախատեսվում է միավորել քաղաքի տրանսպորտային ցանցը և այն հանձնել տրանսպորտային միասնական օպերատորին։ Դրա համար նախատեսվում է ժամանակակից ավտոբուսներ, տրոլեյբուսներ, նաև էլեկտրաբուսներ գնել։ Ավելի վաղ տրոլեյբուսների համար ուզում էին վարկի հարցում ուղղել Վերակառուցման և զարգացման եվրոպական բանկին, բայց արդեն ավելի քան երկու տարի է` նախագիծը սառեցված է։

«Վերգետնյա էլեկտրատրանսպորտի գնման հարցը նույնպես քննարկվելու է նշված ծրագրի ընդհանուր համատեքստում», – ասացին քաղաքապետարանում։

Նշենք` Երևանի ուղևորափոխադրողները չեն դադարում բողոքել, որ 100 դրամ ուղեվարձը չի գոհացնում իրենց։ Սակայն գծերի մեծ մասը դեռ շարունակում են աշխատել։ Ճիշտ է` մեքենաներն ավելի քիչ են, քան 10 տարի առաջ, ու երեկոյան ժամը 9–ից հետո միայն 10–15 երթուղի է մնում։

Ըստ թեմայի

Տեղափոխություն հայկական ձևով. ինչ է սպառնում Երևանի նոր տրանսպորտային համակարգին
Մետրոյի նոր կայարան, գիշերն աշխատող տրանսպորտ... էլ ի՞նչ են խոստանում ՔՊ թեկնածուները
Մոսկվայում հանդիպել են ՀՀ և ՌԴ տրանսպորտն ու կապը համակարգող նախարարները

Գլխավոր թեմաներ