09:46 02 մարտի 2021
Ուղիղ եթեր
  • USD528.37
  • GBP736.92
  • EUR636.10
  • RUB7.13
Հասարակություն
Ստանալ կարճ հղումը
280 0 0

Հայաստանի Հանրային ռադիոյի նախկին տնօրենը խոսել է իր հրաժարականի մասին։

ԵՐԵՎԱՆ, 20 դեկտեմբերի — Sputnik. Հանրային ռադիոյի նախկին տնօրեն, լրագրող Մարկ Գրիգորյանն իրեն բնորոշ ձևով պատմել է Հայաստանի Հանրային ռադիոյում տեղի ունեցող խմորումների մասին։

Նախօրեին հայտնի է դարձել, որ Հանրային ռադիոյի տնօրենը հրաժարական է տվել, սակայն Sputnik Արմենիայի թղթակցի հետ զրույցում Մարկ Գրիգորյանը հրաժարվեց մեկնաբանել այդ տեղեկությունը։ Գրիգորյանն այդ պաշտոնում նշանակվել էր 2017թ–ի հունիսի 12–ին Հանրային հեռուստառադիոընկերության խորհրդի որոշմամբ։

Գրիգորյանը խոստովանել է, որ մի քանի աշխատակից մտել են իր աշխատասենյակ, որոշները նստել են սեղանի շուրջ, մի քանիսը մնացել են դռների արանքում կանգնած։ Լրագրողի խոսքով` հավաքվածների շարքում եղել են ռադիոյի «պատկառելի» աշխատակիցներ, որոնց նա պատրաստվում էր հեռացնել աշխատանքից։ Հենց այդ աշխատողներից մեկն էլ բացել է խոսքը։

«Եկել ենք պահանջենք, որ Դուք հայտարարեք հրաժարականի մասին», – բարձր ասաց նա։ «Երևում էր, որ հուսահատ է ու վախեցած, բայց միաժամանակ հիանում էր իրենով և իր համարձակությամբ», – Facebook–ի իր էջում գրել է Գրիգորյանը։

Նշենք, որ Հանրային ռադիոյի մի խումբ աշխատակիցներ մի քանի օր առաջ գործադուլ էին արել` պահանջելով տնօրենի հրաժարականը։ Նրանք նույնիսկ իրենց պահանջներով նամակ էին գրել` տարածելով այն ԶԼՄ–ներով։

Ինչպես նշեց Գրիգորյանը, այդ նամակը նա հարկ չի համարել կարդալ, որովհետև այն անանուն է եղել։

«Դուք հենց հիմա պետք է հրաժարական տաք, քանի դեռ մենք այստեղ ենք», – ասել է երաժշտական ծրագրի հաղորդավարը, որը, Գրիգորյանի խոսքով, աչք է դրել իր տեղի վրա։

Հաղորդավարից հետո ևս մի քանիսն են խոսել։

«Ես մի անգամ էլ նայեցի պատի մոտ հավաքված մարդկանց։ Նրանց հետ զրուցելն իմաստ չուներ։ Նրանց զոհ էր պետք։ Այդ զոհը ես էի», – գրել է Գրիգորյանը։

Միաժամանակ նրա համար ֆիզիկապես տհաճ է եղել։ Այլևս չհակառակվելով կոլեկտիվի ցանկությանը` Գրիգորյանը ստորագրել է հրաժարականի դիմումը։ Նրա խոսքով` իր աշխատասենյակում հնչած խոսքերը կարող են փոխանցել ոչ այդքան բառացի, սակայն էությունը դրանից չի փոխվում։

Մարկ Գրիգորյանը ճարտարապետ Մարկ Գրիգորյանի թոռն է և երաժշտագետ Լևոն Հակոբյանի եղբայրը։

թեգերը:
Հայաստան

Գլխավոր թեմաներ