03:22 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Բողոքի ակցիա

Նախարարությունների կրճատվող աշխատակիցները բողոքի երթով շարժվում են դեպի կառավարություն

© Sputnik / Asatur Yesayants.
Հասարակություն
Ստանալ կարճ հղումը
105401

Նախարարություններում սպասվող կրճատումների մասին լուրերն իրարանցում են առաջացրել պետական կառույցներում։

ԵՐԵՎԱՆ, 21 դեկտեմբերի — Sputnik. Մշակույթի և Սփյուռքի նախարարությունների մի քանի տասնյակ աշխատակիցներ այսօր առավոտից գործադուլ են հայտարարել ու հավաքվել նախարարության շենքի բակում։ Դրանով նրանք իրենց դժգոհությունն են արտահայտում ընդդեմ կառավարության ու վարչապետի պաշտոնակատարի օպտիմալացման ծրագրի, որի իրականացմամբ գործող 17 նախարարությունների թիվն առաջիկայում կդառնա 12։

Նախատեսվում է փակել Սփյուռքի նախարարությունը և միավորել մշակույթի, Սպորտի և երիտսարդության նախարարությունները Կրթության և գիտության նախարարության հետ։

«Մենք վարչապետին նամակ ենք գրել, որտեղ մեր բացատրությունն ենք տվել, թե ինչու պետք է Մշակույթի նախարարությունն առանձին գոյություն ունենա»,– Sputnik Արմենիայի թղթակցին ասաց Մշակույթի նախարարության աշխատակից Հարություն Վանյանը։

Նրա խոսքով` առաջարկված տարբերակը նսեմացնում է նախարարության դերը, և մշակույթը մղվում է հետին պլան։

Բողոքի ակցիայի մասնակիցների խոսքով` կառուցվածքային փոփոխությունները հանրային քննարկման չեն ներկայացվել, Իսկ մշակույթի ու արվեստի գործիչներից շատերը երեկվանից իրենց մտահոգություններն են հայտնել այս առիթով։

«Նման կարևոր գերատեսչության նկատմամբ այսպիսի գործելաոճն անընդունելի է», ասաց մեր զրուցակիցը։

Բողոքի ակցիային մասնակցող Սփյուռքի նխարարության աշխխատակիցները նույնպես դեմ են առաջարկվող փոփոխություններին։

«Մեզ չեն էլ տեղեկացրել, որ նախարարությունը պետք է վերակազմավորվի։ Շուրջ 90 աշխատողներ դրա արդյունքւմ կմնան անգործ»,– ասաց նախարարության Մերձավոր և միջին Արևելքի հայ համայնքի հարցերով վարչության պետ Լևոն Անտոնյանը` հավելելով, որ նման գերատեսչության անհրաժեշտությունը ռազմավարական է Հայաստանի պես երկրի համար, որն այսպիսի սփյուռք ունի։

Դեկտեմբերի 10-ին, արտասահմանյան լրատվամիջոցների հետ հանդիպմանը ՀՀ վարչապետի պաշտոնակատար Նիկոլ Փաշինյանը հայտնել էր, որ նախարարությունների թիվը կառավարությունում պետք է կրճատվի 17-ից 12, և այդ հարցն արդեն քննարկվում է։

թեգերը:
ՀՀ սփյուռքի նախարարություն, ՀՀ կառավարություն, Հայաստան

Գլխավոր թեմաներ