ԵՐԵՎԱՆ, 22 դեկտեմբերի — Sputnik. Ամերիկահայ հեռուստաաստղ Քիմ Քարդաշյանը ցույց է տվել՝ ինչպես պետք է տոնական ճիշտ շպար անել։
Դիմահարդարման ընթացքը քայլ առ քայլ ներկայացնող տեսանյութը նա հրապարակել է Instagram-ի իր էջում։
«Տոնական շպար անելու վարպետության իմ դասընթացը», - մեկնաբանել է տեսանյութը հեռուստաաստղը։
Մի քանի ժամվա ընթացքում տեսանյութը դիտել են մի քանի միլիոն անգամ։ Երկրպագուները Քիմին շնորհակալություն են հայտնել Ամանորի ու Սուրբ ծննդի նախաշեմին օգտակար դաս տալու համար։
Посмотреть эту публикацию в InstagramMy holiday make up glam tutorial is up on Vogue.com!!! Link in my bio
Տեսանյութի սկզբում ամերիկահայ աստղը հայտնվում է առանց շպարի, ու նրա դեմքի վրա կարելի է որոշ թերություններ տեսնել։
Վերջերս Քիմը հայտնի հեռուստածրագրի ժամանակ խոստովանել էր, որ չի սիրում քնելուց առաջ լվանալ դեմը և հաճախ շպարով է պառկում քնելու։ Կոսմետոլոգներն ու դերմատոլոգները, որոնք մշտապես խորհուրդ են տալիս քնելուց առաջ մաքրել շպարը, ամոթանք էին տվել նրան։
Ավելի վաղ հեռուստաաստղն ընտանեկան լուսանկար էր հրապարակել, որն ուրախացրել էր Քարդաշյան-Ուեսթ ընտանիքի երկրպագուներին։
