ԵՐԵՎԱՆ, 29 դեկտեմբերի –Sputnik. Կենդանակերպի հրե նշանները` Խոյը, Առյուծն ու Աղեղնավորները ամենահաջողակները կլինեն 2019 թվականին, ՌԻԱ Նովոստիին ասել են աստղաբանները։
«Ամենից շատ կհաջողեն Աղեղնավորներն ու Առյուծները։ Պատճառն Աղեղնավորների Յուպիտերն է, ընդ որում Առյուծներին բախտը կժպտա ամռանը` օգոստոսին, իսկ Աղեղնավորներին` արդեն հունվարին։ Սկզբունքորեն Յուպիտերի շնորհիվ հունվար–փետրվար ամիսներին կհաջողեն նաև Խոյերը», – ասել է աստղաբան Պավել Չուդինովը։
«Կենդանակերպի այդ նշաններին հաջողությունը կուղեկցի բոլոր գործերում, հատկապես աշխատանքի և ֆինանսների հարցերում»,– իր հերթին ավելացրել է աստղագուշակ Լիլյա Լյուբիմովան։ Բացի այդ, փորձագետը ևս երկու հաջողակ համաստեղություն է նշել` Կշեռք և Ջրհոս։
«Եվս երկու նշանի` Կշեռքի և Ջրհոսի տակ ծնվածները բավական հաջողակ կլինեն, սակայն մի փոքր այլ կերպ։ Նրանց համար կարևոր է բաց չթողնել հաջողությունը, ուշադիր լինել ճակատագրի նշանների նկատմամբ, քանի որ նրանք կարող են լավ հնարավորություններ ունենալ, հաջող հանգամանքների բերում, ինչ-որ անսպասելի առաջարկներ», – ընդգծել է Լյուբիմովան։
Աստղաբանությունը հավատանքների և ուսմունքների համակարգ է, որը ենթադրում է տիեզերական մարմինների (աստղերի, մոլորակների, գիսավորների և այլն) հատկությունների և շարժման ազդեցությունը երկրային իրականության՝ բնության, մարդու և մարդկային հանրության ճակատագրի վրա։
Աստղաբանությանը ֆիզիկական հիմնավորում տալու համար ձեռնարկված բազմաթիվ փորձերը հաջողությամբ չեն պսակվել. ժամանակակից գիտությունն ամբողջությամբ հերքում է աստղագուշակության մեթոդաբանությունը` այն որակելով որպես կեղծ գիտություն։
Որոշ ժամանակակից աստղաբաններ աստղագուշակությունը «խորհրդանշական այլաբանական լեզու» են անվանում, որտեղ միևնույն արտահայտությունը կարող է մի քանի մեկնաբանություն ունենալ։
Աստղաբանական գործունեության հիմնական մեթոդը աստղաբանական գծապատկերների (որոշակի ժամանակահատվածում երկնային մարմինների տեղակայման սխեմատիկ պատկեր) կառուցումն ու մեկնաբանումն է։
Հորոսկոպը մոլորակների, լուսատուների և այլ երկնային մարմինների դիրքերի արտապատկերումն է խավարածրի վրա ժամանակի տվյալ պահի և աշխարհագրական տվյալ վայրի նկատմամբ։
Աստղաբանական քարտեզը, որը արտացոլում է երկնքում մոլորակների սխեմատիկ դասավորվածությունը, այլ ոչ թե նրանց դասավորվածությունը հորիզոնի նկատմամբ, կոչվում է կոսմոգրամա։ Այսինքն` կոսմոգրաման արտացոլում է Արևային համակարգի հարաբերական դասավորվածությունը կոնկրետ պահին, սակայն ոչ նրանց տեսանելիությունը երկրի մակերևույթի կոնկրետ կետից։
Այն կիրառվում է տարածության այդ կետի և պահի հետ կապված իրադարձությունները կանխատեսելու համար։
