09:12 18 փետրվարի 2019
Ուղիղ եթեր
  • USD487.51
  • GBP624.60
  • EUR550.11
  • RUB7.32
Մարգարիտա Սիմոնյանը և Տիգրան Քեոսայանը

«Խաշի բաց դռների օր»․ Մարգարիտա Սիմոնյանը հրավիրում է բոլոր ընկերներին

© Sputnik / Екатерина Чеснокова
Հասարակություն
Ստանալ կարճ հղումը
534 0 0

Սիմոնյան – Քեոսայան ամուսնական զույգը հունվարի մեկին հրավիրում է ավանդական հայկական խաշ համտեսելու։

ԵՐԵՎԱՆ, 30 դեկտեմբերի — Sputnik. RT ու Sputnik-ի գլխավոր խմբագիր Մարգարիտա Սիմոնյանը մտադիր է հունվարի մեկին ավանդական հայկական խաշ  հյուրասիրել իր բոլոր ընկերներին։ Այս մասին նա երեկ գրել է Instagram-ում։

View this post on Instagram

A post shared by Маргарита Симоньян (@_m_simonyan_) on

«Հունվարի մեկին մեր տանը միշտ «Բաց դռների խաշ է»։ Այդպես էր ծնողներիս տանը, Տիգրանի (նրա ամուսին՝ ռեժիսոր Տիգրան Քեոսայանը) ծնողների տանը, ու մեզ մոտ էլ ամեն տարի այդպես է։ 31-ից ամսի 1-ը ամբողջ գիշեր խաշ է եփվում, իսկ ճաշից հետո սկսում են հավաքվել ընկերներն ու բարեկամները․ սկսում են իրենց խելքի բերել նախորդ օրվանից հետո», - մեկնաբանել է նա խաշի նյութի նկարը։

Սիմոնյանը նաև գաղտնիք է բացահայտել։ Նա ասել է, որ իրենց տանը դեռ ամսի 29-ից են սկսում խաշ պատրաստել։ Միաժամանակ զգուշացրել է, որ այդ ուտեստի համար միայն դիմացի ոտքերն են պիտանի։

«Խորամանկ վաճառողները կարող են նորեկների վրա հետևի ոտքերը «նաղդել», այդ դեպքում խաշից, կներեք, թրիքի հոտ կգա», - գրել է խմբագիրը։

Նա մանրամասն ներկայացրել է խաշի պատրաստման ընթացքը։

Միաժամանակ Սիմոնյանը զգուշացրել է, որ պետք չէ աղ կամ պղպեղ ավելացնել։ Սակայն ուտեստի հետ անհրաժեշտ է ափսեով ծեծած սխտոր, բողկ, աղ, պղպեղ ու չոր լավաշ մատուցել։

Սիմոնյանի բաժանորդներն անտարբեր չեն մնացել ու գրառման տակ բազում մեկնաբանություններ են գրել։

Նշենք, որ Սիմոնյանի էջում պարբերաբար հայտնվում են տարբեր համեղ ուտեսների լուսանկարներ ու դրանց բաղադրատոմսերը։ Նրա բաժանորդներն արդեն սովոր են դրան ու հաճախ խնդրում են հյուր գնալ։ Սիմոնյանի խոհարարական ունակությունները գովերգում է նաև իր գործընկեր Թինա Կանդելակին։

Ըստ թեմայի

«Լավ ենք աշխատում, և դրա համար մեր դեմ պետք է պայքարեն». Սիմոնյանի արձագանքը Վաշինգտոնին
«Թրամփին էլ կարող եմ սպանել։ Կուզե՞ս». հայ տաքսիստն ամեն ինչի պատրաստ է հանուն Սիմոնյանի
Մարգարիտա Սիմոնյանը ճանաչվել է Ռուսաստանի ամենաշատ մեջբերվող լրագրողը
Սիմոնյանի ու Քեոսայանի ընտանեկան լուսանկարը համացանցում բուռն քննարկվել է
Մարգարիտա Սիմոնյանը գիտի, թե Քեոսայանի` սիրուն աչքերի մասին երգն ում է նվիրված

Գլխավոր թեմաներ