11:47 16 հուլիսի 2019
Ուղիղ եթեր
  • USD476.68
  • GBP598.81
  • EUR537.65
  • RUB7.61
Փայլ

Բյուստյե, փայլ և պլիս․ 2019թ-ի գլխապտույտ առաջացնող նորաձևությունը

CC0 / nastya_gepp
Հասարակություն
Ստանալ կարճ հղումը
262 0 0

Պճնամոլները կարող են համարձակորեն սնդուկներից հանել տատիկի սվիտերները և ժակետները, փորձել հայրիկի կոստյումը՝ հարմարեցնելով իրենց կազմվածքին։ 2019թ-ին նորաձև է ոչ ստանդարտ, խառը, գույնզգույն և վառ հագուստը։

Լաուրա Սարգսյան, Sputnik Արմենիա

Վառ մարջանագույն, հետաքրքիր պրինտ և փայլ պլիսի հետ։ Եվ դա դեռ ամենը չէ, ինչ առաջարկում են պճնամոլներին նորաձևության տները 2019թ-ին։ Գլխավոր շեշտը պետք է դնել խոշոր աքսեսուարների և ընդգծված դեկոլտեի վրա՝ խորը կամ ոչ այդքան բացվածքով՝ կախված տարվա եղանակից ու միջավայրից։

Ինչի՞ մասին է ճչում նորաձևության աշխարհը

Եթե դուք ոչ ստանդարտ հագուստի կողմնակից եք, նախընտրում եք խառնել տարբեր ոճերը, ապա այս տարին ձերն է։ Տարվա գույն է ճանաչվել վառ մարջանագույնը, որը կարելի է համադրել պաստելային երանգների հետ։ Մարջանագույնը կարող է լինել կերպարի մաս ինչպես կանանց, այնպես էլ տղամարդկանց մոտ՝ դառնալով արտաքին տեսքի աքսեսուար։Այսօր նորաձև են փայլուն կտորները․ ձմռանը դա կարող է լինել փայլուն թելերից գործած սվիտեր, ամռանը՝ տոպ կամ կոմբինեզոն, որոշ դեպքերում դա կարող է լինել կիսաշրջազգեստ կամ շորտ։ Նորաձև են նաև ատլասից կամ մետաքսից բոմբերները (ամառային բաճկոն՝ խմբ․)։

Свитер
Սվիտեր

Այս տարին կուրախացնի սրտակեր աղջիկներին։ Բյուստեն, որը դեռ մի քանի տարի առաջ համարվում է ներքնազգեստի մաս, այսօր դարձել է սեզոնի հիթ։ Այն կարելի է համադրել նեղ կիսաշրջազգեստի և պիջակի կամ կարդիգանի ու տաբատի հետ։

Юбка
Շրջազգեստ

Այս տարի նորաձև են համարվում նաև վարդագույնի և մարմնագույնի բոլոր երանգները։ Թրենդային է նաև կիտրոնի գույնը։ Կրկին նորաձև է գլխաշորերի թեման, դրանց կտորներից կիսաշրջազգեստ կամ վերնաշապիկ կարելը, ինչպես նաև ջինսե տաբատի և սպորտային տոպերի համադրությունը։ Տարածված են ունիվերսալ ժակետները և այն ամենը, ինչ երեկ համարվում էր անհամադրելի։

Свитер
Սվիտեր

Ի՞նչ են առաջարկում հայ դիզայներները

Դիզայներ Արամ Նիկոլյանը կարծում է, որ վերջին շրջանում նորաձևությունն անդեմ, քաոտիկ է դարձել։  Այսօր կարելի է համադրել անհամադրելին, ուստի նա խորհուրդ է տալիս հայ կանանց ու աղջիկներին այս շրջապտույտի մեջ չկորցնել սեփական ոճը և խարիզման։

«Նորաձևության աշխարհում քաոս է տիրում, դիզայներները փորձում են համադրել անհամադրելին և ինչ-որ բան ստանալ», - Sputnik Արմենիայի թղթակցին ասաց Նիկոլյանը։

Юбка
Շրջազգեստ

Նրա խոսքով՝ նորաձև է այն, ինչ դուր է գալիս, ինչ սազում է։ Նա նշեց նաև, որ տարվա խորհրդանիշը չի ազդում նորաձևության վրա և նրա վրա, թե ինչ կրել։

Իր հերթին դիզայներ Տաթևիկ Մանուկյանը համակարծիք է գործընկերոջ հետ։ Այս տարի, որքան էլ տարօրինակ լինի, թրենդի մեջ է ոչ թե խոզի «վարդագույնը», այլ ընձառյուծի նախշը։

«Նորաձև է ընձառյուծի նախշը, կենդանիների գլուխների պրինտները, հագուստի մեջ վառ շեշտերը», - Sputnik Արմենիայի թղթակցի հետ զրույցում ասաց Մանուկյանը։ Նա նաև նշեց, որ 2019թ-ին կարելի է համադրել վառ աքսեսուարները ավելի խամրած գույների հետ, օրինակ, մարջանագույնի տարբերակները կամ պաստելային երանգները։

Юбка
Շրջազգեստ

Այս տարի զգեստապահարանում ենք թողնում անցյալի պլիսից կիսաշրջազգեստը, ցանկալի է միդի տարբերակը։ Օրինակ, թրենդի մեջ մնալու համար ձմռանը կարելի է կրել լայն սվիտեր և օքսֆորդ կոշիկներ՝ լրացնելով կերպարը վերարկուով կամ թիկնոցով։

Սակայն 2019թ-ի նորույթը կդառնան միշտ նորաձև նեղ կիսաշրջազգեստը և բարձրակրունկ կոշիկները։

Юбка
Շրջազգեստ

Ընդհանուր առմամբ բոլոր դիզայներները համակարծիք են, որ այս տարի կատարյալ հագուստը պետք է բազմաշերտ լինի։

Ըստ թեմայի

Կատարյալ Նոր տարվա բաղադրատոմս․ սիրված տոնը հայերին վռնդո՞ւմ է տնից
Ինչպիսին է եղել նորաձևությունը ԽՍՀՄ-ում․ «նախաթուրքական ժամանակաշրջանի» լուսանկարներ
Ինչպես հայուհու հագած սվիտերը ներշնչեց Էլզային. դիզայների անհավանական պատմությունը
Կորչի մեյքափը. ի՞նչ տեսք ունեն հայ աստղերն առանց շպարի

Գլխավոր թեմաներ