13:27 20 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Ռուս ուղղափառները նշում են Սուրբ Մկրտությունը

Հանուն Հոր և Որդու և Սուրբ Հոգու. ուղղափառները Գյումրիում էլ նշեցին Սուրբ Մկրտությունը

© Sputnik / Armenuhi Mkhoyan
Հասարակություն
Ստանալ կարճ հղումը
45820

Ռուս ուղղափառ եկեղեցու քահանա Հայր Սերգեյի ձեռամբ հատուկ ավազանների ջուրն օրհնվելուց ու կարգը կատարելուց հետո, բոլոր ցանկացողներին ավազանը մտնելու հնարավորություն տրվեց:

ԵՐԵՎԱՆ, 18 հունվար, Արմենուհի Մխոյան — Sputnik. Հայաստանում ռուս ուղղափառ եկեղեցու հետևորդները տոնի մեկնարկն ազդարարում են Գյումրու «Չերքեզի ձոր» կոչվող  տարածքում: Տարեցտարի Մկրտությանը մասնակցելու ցանկություն հայտնածների թիվն ավելանում է։

Արդեն 10-րդ անգամն է, ինչ ՌԴ դեսպանության Գյումրիում տեղակայված հյուպատոսարանի ներկայացուցիչները, ռուսական ռազմակայանի զինվորներն ու սպաներ նշում են Ուղղափառ եկեղեցու կարևոր տոներից մեկը հայրենիքից հեռու՝ Հայաստանում: Հավատացյալներից շատերն արդեն գիտեին՝ հատուկ ավազաններ կարող են մտնել միայն ջրօրհնեքի կարգից հետո. ջուրը միայն օրհնելուց հետո է սրբանում, որից հետո աղոթքով պետք է մտնել և 3 անգամ ընկղմվել՝ «հանուն Հոր և Որդու և Սուրբ Հոգու» խաչակնքելով:

Ռուս ուղղափառ եկեղեցու քահանա Հայր Սերգեյի ձեռամբ «Չերքեզի ձոր» կոչվող տարածքում, հատուկ ավազանների ջուրն օրհնվելուց ու կարգը կատարելուց հետո, բոլոր ցանկացողներին ավազանը մտնելու հնարավորություն տրվեց: Սուրբ ջրից հետո բոլորին, ըստ ցանկության, սպասվում էր օղի կամ տաք թեյ:

Մկրտությանը մասնակցելու համար շատերը եկել էին ընտանիքներով: 102-րդ ռազմաբազայի սպա Սերգեյ Չերդանցևը Sputnik Արմենիային փաստեց՝ երկար տարիներ Հայաստանում է ծառայությունն անցնում և վերջին տարիներին բաց չի թողնում ոչ մի հնարավորություն Սուրբ Մկրտությանը մասնակցելու: «Ընտանիքով եմ եկել: Այսօր նույնիսկ փոքրիկ որդուս՝ 1 տարեկան 2 ամսական Պլատոնին ենք բերել: ճիշտ է, իրեն դեռ վաղ է Մկրտության ավազանը մտնել, բայց, երբ մեծանա, անպայման խորհուրդ կտամ: Ես ամեն տարի եմ ջուրը մտնում, իսկ երբ ջուրն ես մտնում հավատով, նույնիսկ այսպիսի ցուրտ եղանակին չես մրսում»,-նշեց Սերգեյ Չերդանցևը:

11 տարի Հայաստանում իր ծառայությունն է անցնում նաև Ալեքսանդր Օստրանկովը, որը ևս փաստեց՝ ջուրը շատ հաճելի է: «Արդեն ութերոդ անգամ եմ Մկրտության ավազան մտնում: Ջուրն անբացատրելի հաճելի է: Ուժ ու հավատ է տալիս»:

Ջուրն ընկղմվելու ցանկություն հայտնում էին նաև ոչ Ուղղափառ եկեղեցու հետևորդները: «Ռուսաստանում Մկրտության մասնակցել եմ, Հայաստանում առաջին անգամ է, որ մասնակցում եմ: Շատ հաճելի զգացողություն է՝ նոր ու անբացատրելի, իսկ ամենակարևորը՝ ջուրը հարստացնում է մարդու հոգին»,-մեր հետ զրույցում նշեց սոցիոլոգիական գիտությունների դոկտոր, պրոֆեսոր Արմեն Սահակյանը:

  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
  • Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը
    © Sputnik / Armenuhi Mkhoyan
1 / 6
© Sputnik / Armenuhi Mkhoyan
Ռուս ուղղափառ եկեղեցու հետևորդները Գյումրիում նշեցին Սուրբ Մկրտությունը

Հորդանան գետի ջրերում Քրիստոսին մկրտեց Հովհաննես Մկրտիչը, և Աստված սրբագործեց ջուրը։ Մեծ ջրօրհնեքը, որը նվիրված է Փրկչի մկրտման հիշողությանը, ռուս ուղղափառ եկեղեցիներում կատարվում է հունվարի 18-ին և 19-ին:

Այս օրերին օրհնվում են նաև լճերի ու գետերի ջրերը` ի հիշատակ Աստծու հայտնությանը: Ջրում 3 անգամ ընկղմվելով՝ մարդիկ ազատվում են մեղքերից։ Մկրտության լողն անցկացվում է հունվարի 18-ի լույս 19-ի գիշերը հատուկ ավազաններում։ Օրվա խորհրդով պայմանավորված՝ ջրի օրհնությունը տոնի նախօրեին կատարվում է եկեղեցիներում, Մկրտության օրը՝ գետերում և լճերում։ Բացի մկրտության լողից, հավատացյալները խմում են մկրտության ջուրը` հոգևոր ուժ ու առողջություն ստանալու համար, նաև այն ցողելով իրենց տներում՝ մաքրագործում են դրանք:

Վաղն ուղղափառ եկեղեցիներում կմատուցվի Սուրբ պատարագ:

Ըստ թեմայի

«Գեներալ-գուբերնատորը», մարզպետն ու նախկին քաղաքապետը. ովքե՞ր են Գյումրվա ռեյտինգայինները
Չքաղաքականացնել. Գյումրու աղմկահարույց դեպքից հետո դեսպանատունը հայտարարություն է արել
Մարդասպանն ազգություն չունի. ԱԱԾ ղեկավարը` Գյումրիում կատարված հանցագործության մասին
Ինչու է գյումրեցի կնոջ սպանության մեջ կասկածվող ռուս զինծառայողը գտնվում ռազմակայանում
Գյումրիում հայտնաբերված նորածինների ճակատագիրը. որտե՞ղ և ինչպե՞ս են նրանք
Սելֆի, ուղիղ եթեր և այլ միջոցներ. Փաշինյանի քաղտեխնոլոգիական նորամուծությունները
թեգերը:
Հայաստան, Գյումրի

Գլխավոր թեմաներ