08:09 24 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Վիրահատություն

Պետությունը կվճարի անապահով խավի չարորակ հիվանդությունների վիրահատական բուժման գումարը

© Sputnik / Asatur Yesayants
Հասարակություն
Ստանալ կարճ հղումը
20330

Առողջապահության նախարարը հայտնեց, թե ինչի համար է ծախսվելու առողջապահության բյուջեի ավելացած գումարը։

ԵՐԵՎԱՆ, 23 հունվարի — Sputnik. Ուռուցքաբանական վիրահատության վճարները պետպատվերի շրջանակում պետությունը կփոխհատուցի ամբողջությամբ։ Այսօր հրավիրված ամփոփիչ ասուլիսում այս մասին ասաց ՀՀ առողջապահության նախարար Արսեն Թորոսյանը։

«Ուռուցքաբանական ծառայությունների համար մենք այս տարի ունենք 700 մլն դրամի աճ, որը ավելացել է անցյալ տարվա 1,1 մլրդի վրա։ Որոշում պետք է կայացվեր, թե այդ 700 մլն դրամն ինչի՞ վրա ենք ծախսելու։ Քննարկումների արդյունքում եկանք այն եզրահանգման, որ պետք է փորձենք մեղմել քաղաքացիների բեռը»,– ասաց նախարարը։

Նրա խոսքով` այն հիվանդանոցները, որտեղ պետպատվերով նման ծառայություններ կմատուցվեն, քաղաքացին ոչ մի դրամ այլևս չի վճարի։ Պետությունը կփոխհատուցի գումարը շուկայական գնով և ամբողջությամբ։

«Մենք ունենք նաև այլ ծառայություններ, երբ ասում ենք պետպատվեր, սակայն ծառայությունների գումարները շուկայականից ցածր են, և բուժհաստատությունները միշտ այլ ակնկալիքներ են ունենում։ Այժմ այլ ակնկալիքներ չեն լինելու և գները լինելու են շուկայական և ինքնարժեքից բարձր»,-ասաց Թորոսյանը։

Նշենք, որ ուռուցքաբանական վիրահատությունների ժամանակ նախկինում գործում էր համավճարի սկզբունքը, երբ բուժհաստատությունները պետությունից ստանում էին ծառայության արժեքի միայն մի փոքր մասը, իսկ մնացածը ստիպված էր լինում վճարել քաղաքացին։ Եվ համավճարի այս կարգը համարվում էր պետպատվերով բուժում։

Հիշեցնենք` Հայաստանում պետպատվերի շրջանակում բուժում են ստանում սոցիալապես անապահով խավերի ներկայացուցիչները` առողջապահության նախարարության տրամադրած ուղեգրի հիման վրա։

Ըստ թեմայի

Պետք է առանց նախարարի միջամտության լավ աշխատի. Արսեն Թորոսյանին չճանաչեցին Արմավիր ԲԿ–ում
«Галочка»-ի համա՞ր, թե՞ նարգիլեն ու ծխախոտը ատոմային ռումբի պես վնասակար են
Քարսիթով, թե՞ առանց քարսիթի. նոր օրինագիծը շրջանառության մեջ է
Հայաստանում բժիշկները կբուժվեն անվճար
թեգերը:
Արսեն Թորոսյան, Հայաստան

Գլխավոր թեմաներ