23:17 23 հոկտեմբերի 2019
Ուղիղ եթեր
  • USD475.99
  • GBP611.79
  • EUR528.92
  • RUB7.45
Հիվանդանոց

Առողջապահության նախարարությունը մոտ 200 մլն դոլար կհատկացնի անպտղության դեմ պայքարի համար

© Sputnik / Григорий Сысоев
Հասարակություն
Ստանալ կարճ հղումը
240 0 0

Ուշադրության կենտրոնում կլինեն անպտղության հանգեցրած խնդիրները բացահայտումը, թեև ԷԿՈ–ն նույնպես չեն անտեսի։

ԵՐԵՎԱՆ, 23 հունվարի — Sputnik. Առողջապահության նախարարությունը վերարտադրողական առողջության բարելավման նպատակով Հայաստանում անպտղություն ունեցող զույգերի հետազոտման, նաև արտամարմնային բեղմնավորման համար 210 մլն դրամ է հատկացնելու: Այդ մասին հունվարի 23-ին մամուլի ասուլիսում հայտնեց ՀՀ առողջապահության նախարար Արսեն Թորոսյանը:

Թորոսյանը նշել է, որ վերարտադրողական առողջության ծրագիրը նախկինում նույնպես գործել է, բայց այն արդյունավետ չի եղել։

«Նախարարությունը 210 մլն դրամ է նախատեսել «Անպտղություն ունեցող զույգերի համար վերարտադրողական օժանդակ տեխնոլոգիաների կիրառմամբ բժշկական օգնության ծառայությունների» ծրագրի համար: Մենք այս շաբաթ արդեն հանդիպումներ ունենք ` հասկանալու, թե այդ գումարն ինչպես ենք ծախսելու»,-ասաց նախարարը:

Թորոսյանի խոսքով, ամենայն հավանականությամբ, շեշտը կդրվի անպտղության պատճառները բացահայտելու վրա։

Մյուս մասը կուղղորդվի արտամարմնային բեղմնավորման ծառայությունների գնմանը (ԷԿՈ):

«Փորձը ցույց է տալիս, որ ավելի արդյունավետ է պարզել պատճառը և լուծել, դա շատ ավելի էժան է, և ավելի շատ մարդկանց վրա կարող ես կիրառել, քան թե պարզապես մի քանի տասնյակ զույգերի անես արտամարմնային բեղմնավորում», – նշեց նախարարը։

Արտամարմնային բեղմնավորումը (ԷԿՈ) օժանդակ վերարտադրողական տեխնոլոգիա է, որն ամենից հաճախ օգտագործվում է անպտղության դեպքում։ Ժողովրդի մեջ երբեմն այն անվանում են «արհեստական բեղմնավորում»։

Ըստ թեմայի

Թորոսյան. «Սուր շնչառական վարակների հետ կապված իրավիճակը բնորոշ է սեզոնին»
Հայաստանում պարտադիր բուժապահովագրությունը կներդրվի 2021թ–ից. Թորոսյան
«Խոզի գրիպի» հետ կապված իրավիճակը Հայաստանում. մեկնաբանում է առողջապահության նախարարը
թեգերը:
Հայաստան, ՀՀ Առողջապահության նախարարություն, Արսեն Թորոսյան

Գլխավոր թեմաներ