13:48 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Ալեքսանդր Տեր-Հովակիմյան. ՀԵՀ գործադիր տնօրեն

ՀԵՀ տնօրեն Ալեքսանդր Տեր-Հովակիմյանին կկալանավորեն. դատարանը բավարարել է միջնորդությունը

© Photo: YFA official site
Հասարակություն
Ստանալ կարճ հղումը
46510

Նախաքննության ընթացքում պարզվել է, որ «Հայաստանի երիտասարդական հիմնադրամի» գործադիր տնօրենը, 2010 թվականից զբաղեցնելով այդ պաշտոնը, 2013 թվականի ապրիլի 29-ից մինչև 2018 թվականի մայիսի 22-ն ընկած ժամանակահատվածում հիմնադրամից հափշտակել ու յուրացրել է խոշոր չափերի գումար:

ԵՐԵՎԱՆ, 25 հունվարի — Sputnik. Քիչ առաջ դատարանը բավարարել է քննիչի միջնորդությունը՝ Հայաստանի երիտասարդական հիմնադրամի տնօրենի նկատմամբ որպես խափանման միջոց կալանավորումը կիրառելու վերաբերյալ:

Այս մասին տեղեկացնում է Քննչական կոմիտեի հանրային կապերի պատասխանատու Նաիրա Հարությունյանը:

Հիշեցնենք՝ «Հայաստանի երիտասարդական հիմնադրամի» գործադիր տնօրենին առանձնապես խոշոր չափերով փողերի լվացման ու յուրացման մեղադրանք է առաջադրվել։

Նախաքննության ընթացքում պարզվել էր, որ «Հայաստանի երիտասարդական հիմնադրամի» գործադիր տնօրենը, 2010 թվականից զբաղեցնելով այդ պաշտոնը, 2013 թվականի ապրիլի 29-ից մինչև 2018 թվականի մայիսի 22-ն ընկած ժամանակահատվածում հիմնադրամից հափշտակել ու յուրացրել է խոշոր չափերի գումար:

Իսկ հետո գողոնը «օրինականացնելու» համար այն մաս–մաս փոխանցել է իր հետ փոխկապակցված անձանց ու ընկերությունների հաշվեհամարներին և կանխիկացրել:

Այս մեխանիզմով ընդհանուր հափշտակված 325.600.000 ՀՀ դրամից 226.464.209–ը փոխանցվել է տարբեր հաշիվների։ Մասնավորապես՝ հիմնադրամի գործադիր տնօրենը նույն ժամանակահատվածում հիշյալ գումարը կանխիկ փոխանցել է իր մոր անվամբ գրանցված բանկային հաշվեհամարներին:

2013 թվականի մայիսի 15-ից մինչև 2016 թվականի դեկտեմբերի 29-ն ընկած ժամանակահատվածում մոր հաշվեհամարից 539.332 ԱՄՆ դոլար գումարը փոխանցվել է Մեծ Բրիտանիայում գործող բանկերից մեկի հաշվեհամարներին։

2013 թվականի մայիսի 14-ից մինչև 2016 թվականի դեկտեմբերի 30-ն ընկած ժամանակահատվածում Մեծ Բրիտանիայում գործող հաշվեհամարներից 490.583 ԱՄՆ դոլար փոխանցել է կնոջ՝ Մ. Ղ.-ի հաշվեհամարին, իսկ կնոջ հաշվեհամարից 477.485 ԱՄՆ դոլար գումարը փոխանցվել է իր՝ հայաստանյան հաշվեհամարին, կանխիկացրել ու ծախսել։

Այս փաստերի հիման վրա Քննչական կոմիտեում քննվող գործի շրջանակներում «Հայաստանի Երիտասարդական հիմնադրամ»-ի գործադիր տնօրենին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով և 190-րդ հոդվածի 3-րդ մասի 1-ին կետով (առանձնապես խոշոր չափերի հափշտակություն և յուրացում)։

Քննիչը միջնորդություն է ներկայացրել դատարան՝ նրա նկատմամբ խափանման միջոց կալանավորումը ընտրելու վերաբերյալ:

Նախաքննությունը շարունակվում է:

Հետաքրքրական է, որ հիմնադրամի տնօրենին առաջադրված մեղադրանքն ու հարուցված քրեական գործը հետևանք են «Հայաստանի երիտասարդական հիմնադրամի» հոգաբարձուների խորհրդի անդամ, ԱԺ նախկին պատգամավոր, ՀՀԿ անդամ Կարեն Ավագյանի` 2018թ. մայիսի 25-ին ՀՀ քննչական կոմիտե ներկայացրած դիմումի, որով նա հայտնել էր, թե 2018թ–ի ապրիլի 6-ին «Հայաստանի Երիտասարդական հիմնադրամի» գործադիր տնօրենը հիմնադրամի անունից ինքն իր հետ 326.000.000 ՀՀ դրամի փոխառության պայմանագիր է կնքել:

Նշենք, որ «Հայաստանի երիտասարդական հիմնադրամի» գործադիր տնօրենն Ալեքսանդր Տեր-Հովակիմյանն է։

Ըստ թեմայի

Կարեն Ավագյանը հանցագործության մասին հաղորդում է տվել Երիտասարդական հիմնադրամի դեմ
Ասում էիք` փող չկա. կրթության նորանշանակ նախարարը «գտել» է փողերը
Կրթության նախարարը կոչ է անում «դուխով» համագործակցել քննության հետ. «+326 միլիոն դրամ»
թեգերը:
Հայաստան

Գլխավոր թեմաներ